بەپێی ئامارێكی بەرێوبەرایەتی گشتی تەندروستی سلێمانی لە ماوەی مانگی ڕابردوودا 24.548 نەخۆش سەردانی نەخۆشخانەی شاریان كردووە كە 19.091 نەخۆشیان سەردانی بەشی فریاكەوتنی نەخۆشخانەكەیان كردووە و 6.188 نەخۆش خەوێندراون و چارەسەری پێویستیان بۆ كراوە.
بە گوێرەی ئامارێكی بەڕێوبەرایەتیی تەندروستی سلێمانی كە كۆپییەكی بۆ ڕۆژنامەی هەولێر نێردراوە لەماوەی مانگی ڕابردوودا لەنەخۆشخانەی شار 1041 نەشتەرگەری جۆراوجۆر ئەنجام دراوە و و 4 نەخۆش نەشتەرگەری چاندنی گورچیلەیان بۆ كراوە و 162 نەشتەرگەری قەستەرە و شەبەكە و باڵۆن کراوە.
هەر لەو ماوەیەدا لە نەخۆشخانەی شار 2.324 نەخۆش لە بەشی فریاكەوتندا خەوێندراون و 749 نەخۆش لە بەشی گورچیلەی دەستكرد و 1.253 نەخۆش لە بەشی نەشتەرگەری و 85 نەخۆش لە بەشی چاودێریی ورد و 162 نەخۆش لە بەشی CCU و 899 نەخۆش لە بەشی هەناوی و 319 نەخۆش لە بەشی هەناوی مێشك و دەمار و 159 نەخۆش لە بەشی نەشتەرگەری مێشك و دەمار و 60 نەخۆش لە بەشی سنگ و دەمار و 178 نەخۆش لە بەشی شكاوی داخڵ كراون.
هاوكات مانگی ڕابردوو لەنەخۆشخانەی شار 50.201 شیكاری تاقیگەیی و 2.563 هێڵكاری دڵ و 9.120 تیشك و 3.171 سۆنەر و 371 ئیكۆ و 1.830 چارەسەری سروشتی كراوە و 110 حاڵەتی گیاندەرچوون تۆمار كراوە.