وەزارەتی خوێندنی باڵا پۆستێک ڕادەگەیەنێت
وه‌زاره‌تی خوێندنی باڵا و توێژینه‌وه‌ی زانستی حكوومه‌تی هه‌رێمی كوردستان ڕایده‌گه‌یه‌نێت كه هه‌ركه‌سێك ئاره‌زووی هه‌یه ببێته ڕاگری كۆلیژی پزیشكی له زانكۆی كۆیه ده‌توانێ cv پێشكه‌ش بكات.
وه‌زاره‌تی خوێندنی باڵا ڕایگه‌یاند: وەزارەتى خوێندنى باڵا و توێژینەوەى زانستى لەچوارچێوەى ڕێنماییەکاندا پۆستى ڕاگرى کۆلێژى پزیشکى لە زانکۆى کۆیە بۆ جارى دووەم ڕادەگەێنێت.
ڕاشیگه‌یاند: هەر کەسێک ئارەزووى هەیە و مەرجەکانى تێدایە، دەتوانێت لە ماوەى دیاریکراودا (c.v) و داواکارییەکەى پێشکەش بکات تا ناوى لە لیستى خوازیاراندا تۆمار بکرێت.
وه‌زاره‌ته‌كه مه‌رج و ڕێنماییه‌كانی وه‌رگرتنی ڕاگری كۆلیژه‌كه‌ی به‌مشێوه‌ی خواره‌وه دیاری كرد:-
هەڵگرى بڕوانامەى دکتۆرا بێت .
ناسناوى زانستى لە پرۆفیسۆرى یاریدەدەر کەمتر نەبێت.
خزمەتى زانکۆیی لە (10) ساڵ کەمتر نەبێت.
هه‌روه‌ها تێبینییه‌كانی وه‌رگرتنی پۆسته‌كه‌ش وه‌ك ئه‌وه‌ی وه‌زاره‌ت دیاری كردووه بریتین له:-
• ئەو بەڕێزەى داواکاری پێشکەش دەکات باشترە دید و بۆچوون و بەرنامەى کاری خۆى پێشکەش بکات بۆ بەرەو پێشبردنى زانکۆ بۆ ئەو چوار ساڵەى کە پۆستەکەى وەردەگرێت.
• زانینی زمانى ئینگلیزى و شارەزایی لە بەکارهێنانى تەکنەلۆجیاى بوارى خوێندن و فێرکردن و کارایی بڵاوکردنەوەى توێژینەوەى زانستى هەلى زیاتر بۆ پێشکەشکار دەڕەخسێنیت.
• دواکات بۆ پێشکەشکردنى (c.v) و پوختەى ڕاژە کۆتایی دەوامى ڕێکەوتى (29/5/2022) ڕۆژى (یەکشه‌م) دەبێت.
• پێویستە پوختەى ڕاژەى لەلایەن بەرپرسى یەکەمى فەرمانگەکەیەوە واژوو کرابێت.
• هەر بەڕێزێک ئارەزووى هەیە و مەرجەکانى سەرەوەى تێدا بەدى دەکرێت دەتوانێ (c.v) و پوختەى ڕاژەى ڕاستەوخۆ لەم بەستەرەى خوارەوە پڕ بکاتەوە و ڕەوانى بکات.