له كۆنگره‌یه‌كی ڕۆژنامه‌وانیدا هاوپه‌یمانی سێقۆڵی به فه‌رمی ناوی به‌ربژێرانیان بۆ پۆستی سه‌رۆك كۆمار و سه‌رۆكی حكوومه‌تی نوێی عێراق ڕاگه‌یاند.
له كۆنگره ڕۆژنامه‌وانییه‌كه‌دا كه ئه‌مشه‌و به‌ڕێوه‌چوو، حه‌سه‌ن عه‌زاری سه‌رۆكی فڕاكسیۆنی سه‌در ڕاگه‌یاندنی گه‌وره‌ترین هاوپه‌یمانی په‌رله‌مانی ڕاگه‌یاند به‌ناوی “هاوپه‌یمانی ڕزگاری نیشتمانی”.
عه‌زاری ڕاشیگه‌یاند: هاوپه‌یمانی ڕزگاری نیشتمانی به فه‌رمی ڕێبه‌ر ئه‌حمه‌د خالید به‌ربژێری ده‌بێت بۆ پۆستی سه‌رۆك كۆماری عێراق.
هه‌روه‌ها ڕایگه‌یاند: محه‌مه‌د جه‌عفه‌ر باقر سه‌دریش به‌ربژێری ده‌بێت بۆ پۆستی سه‌رۆكی ئه‌نجوومه‌نی وه‌زیران.
بڕیاره ڕۆژی شه‌مووی داهاتوو له په‌رله‌مانی عێراق كۆبوونه‌وه‌ی تایبه‌ت به هه‌ڵبژاردنی سه‌رۆك كۆمار به‌ڕێوه بچێت.