لیستی مووچه‌ی مانگی ئه‌یلوولی مووچه‌خۆران بڵاوكرایه‌وه‌

وه‌زاره‌تی دارایی و ئابووری حكوومه‌تی هه‌رێمی كوردستان ئه‌مڕۆ پێنجشه‌ممه‌ لیستی مووچه‌ی مانگی ئه‌یلوولی مووچه‌خۆرانی هه‌رێمی كوردستانی بڵاوكرده‌وه‌.

به‌گوێره‌ی ئه‌و لیسته‌ی كه‌ وه‌زاره‌تی دارایی و ئابووری بڵاوی كردۆته‌وه‌، مووچه‌ی ته‌واوی مووچه‌خۆرانی هه‌رێمی كوردستان له‌ ماوه‌ی چوار رۆژدا (یه‌كشه‌ممه‌ تا چوارشه‌ممه‌) دابه‌ش ده‌كرێت.

وه‌زاره‌تی دارایی و ئابووری رۆژی یه‌كشه‌ممه‌ی داهاتوو ڕێكه‌وتی 11/10/2026 ده‌ست به‌ دابه‌شكردنی مووچه‌ ده‌كات و له‌و رۆژه‌دا خانه‌نشینانی پێشمه‌رگه‌ و شارستانی مووچه‌كانیان وه‌رده‌گرن.

هه‌روه‌ها رۆژی چوارشه‌ممه‌ رێكه‌وتی 14/10/2026 كۆتایی به‌ دابه‌شكردنی مووچه‌ی مانگی ئه‌یلوولی مووچه‌خۆران دێت.

وه‌زاره‌تی دارایی نیوه‌ڕۆی ئه‌مڕۆ پێنجشه‌ممه‌ گه‌یشتنی ته‌مویلی مووچه‌ی مانگی ئه‌یلوولی مووچه‌خۆرانی له‌ به‌غداوه‌ راگه‌یاندبوو.

فۆتۆ: لیستی مووچه‌ی مانگی ئه‌یلوولی مووچه‌خۆران:-