بەڕۆحیەتی ڕاپەڕین كۆببنەوە

هاودەنگ فاروق

ڕۆژگارێكی ســـەخت و شەوەزەنگی سامناك بوو نەتەوەیەكی بندەست و ستەملێكراو، هەوڵی سڕینەوەی ناسنامەی دەدرا و جینۆساید دەکرا. دەیان خەونی مەزنی ئازادیخوازانەی هەبوو، لێ هیچ ئاســـۆیەكی لە بەردەمدا نەمابوو، بەڵام لە ١99١ ـدا، پێشـــمەرگە و جاش و باش و جەیش، هەموو گەل پێکەوە بۆ وەدەرنانی ڕژێمی بەعس ڕاپەڕین و کوردســـتانیان ســـەر خست. ئێســـتایش هەر ئەو میللەتەیە كە ژیان و چارەنووسی خۆی و نیشتمانەكەی داوەتە دەســـت ڕۆڵە بەرپرســـیارەكانی خۆی لە ســـەركردایەتیی حزبەکان، بۆیە هەقە حزبەكان لـــە كوردســـتان و بەغدا، لە پێناوی گەیشـــتن بـــە خەونی مەزنتر و دواڕۆژێكی گەشـــتر و خۆشـــگوزەران بەهەمان ڕۆحیەتی سەردەمی سەرخســـتنی ڕاپەڕین، ستراتیژی پێکەوەیی و یەكڕیزی بۆ پاراســـتن و پێشخســـتنی قەوارەی هەرێمی كوردســـتان پیادە بكەن. لە یەك سەنگەردا بن بۆ وەدەستهێنانی مافە دەستوورییەكانی خۆیان و بە توندیش لە دژی ئەوانە بوەســـتنەوە كە لەســـەر بەرنامە و ستراتیژی دوژمنكارانە بۆ ســـتەمكردن لە كوردستان و
كەمكردنەوەی ماف و دەستەڵاتەكانی حكوومەتی هەرێم كار دەكەن.

ڕێگە نـــەدەن چیتر بەغدا هەمـــوو داخوازییەكانی خەڵكی كوردســـتان لە مووچەدا كورت بكاتـــەوە! چونكە ئەوە ئەو ســـتراتیژەیە كـــە دژمنانی كورد دەیانەوێت بـــەكاری بهێنن بۆ لەناوبردنی قەوارەی هەرێمی كوردستان.

خۆڕاگـــری و پووچەڵكردنەوەی ئەو ســـتراتیژە، ئەركی هەموو كوردێكـــە، بە بەكارهێنانی هەمـــوو هەوڵەكان، كارتەكان، بۆ ئەوەی ماف و كەرامەتی گەلی كوردســـتان پارێزراو بێت. تا ئەو ڕۆژەی قەوارەی هەرێم و كەســـایەتیی كورد لەو قەوارەیەدا پارێزراوە، دژمنانی كورد بە بەرنامە و فێڵ خۆیان دەكەنە دۆســـتی لایەنێك و بەو شـــێوەیە دەیانەوێ كەلێن بخەنە ڕیزەكانمانـــەوە، بەڵام ئەگەر رۆژێك ئەوان بە هۆی هاوكاریی هەر لایەنێكەوە ســـەر كەون، پێش هەموان ئەو لایەنە لەناو دەبەن. وەك چۆن كەمال ئەتاتۆرك، كە بەدەسەڵات گەیشت، لە پێشدا ئەو كوردانەی لەناو برد، كە بۆ سەرخستنەكەی تێكۆشابوون و پشتی میللەتەكەی خۆیانیان بۆ لە عەرز دابوو. بەمەبەســـتی جۆشـــدانەوەی خەباتی نەتەوەیی، بەخشینەوەی مانایەکی سیاسی و نەتەوەیی بە پەیوەندییەکانی هەولێرو بەغدا، لەیادی ڕاپەرین گونجاوتر لەڕووی تەوقیتەوە بەردەســـت نیە، ئێســـتا کاتی ئەوەیە حزبەكانی کوردســـتان لە دەوری یەکتـــر کۆببنەوەو پەیامـــی نەتەوەی کورد بە بەغـــدا بدەن، دەبێ بە ڕوونـــی پێی بڵێن: یان پێکەوەژیانی ئارەزوومەندانەی هاوســـەنگ لەئەرک و مافدا، یان جیابوونەوە بە شـــکۆی نەتەوەییمانـــەوە. داخوازییەکانی ئێمە، سیاســـی، مێژوویی، کەلتـــووری و داخوازی مانەوە و شـــکۆی نەتەوەیەکـــن، نەک تەنیا مووچەیەک کە کردووتانەتە ســـەدەقە، یان مەکرەمەی دەستەڵاتدارانی ناوچەی سەوز.