ئەمڕۆ پێنجشەممە 2026.7.23، ئومێد خۆشناو، پارێزگاری هەولێر، لە دیوانی پارێزگا، پێشوازی لە پیتا بانز، بەرپرسی نووسینگەی ڕێکخراوی یونیسێف (UNICEF) لە هەرێمی کوردستان کرد.
لە دیدارەکەدا، چەندین پرۆژەی هاوبەش و پەرەپێدانی سێکتەرە خزمەتگوزارییەکان تاوتێکران و جەخت لەسەر بەردەوامی كاركردنی هاوبەش و پێداچوونەوە بە بەرنامە مرۆییەكانی ڕێكخراوەكە كرایەوە و تیشکخرایە سەر بارودۆخی ئاوارە و پەنابەرانی ناو کەمپەکانی سنووری پارێزگای هەولێر و دووپات لە زیادکردنی هەماهەنگییەکان بۆ خزمەتکردنی زیاتری سێکتەرە مرۆیی و خزمەتگوزارییەکان كرایەوە.
لە تەوەرێكی تری دیدارەكەدا، پارێزگاری هەولێر وێڕای دەربڕینی پێزانینی بۆ کار و چالاکییە مرۆییەکانی یونیسێف، داوای کرد کە ڕێکخراوەکە ئاستی هاریکاری و هاوکارییەکانی لەگەڵ پارێزگای هەولێر زیاتر بکات، و ئامادەیی تەواوی دامەزراوەکانی پارێزگاشی نیشاندا بۆ پێشکەشکردنی هەموو جۆرە ئاسانکاری و پاڵپشتییەک بۆ سەرخستنی كار و پڕۆژەکانی ڕێکخراوەکە.
لای خۆیەوە، بەرپرسی ئۆفیسی یونیسێف لە هەرێمی کوردستان، ستایشی هاوکاری و هەماهەنگی بەردەوامی پارێزگای هەولێری کرد لە سەرخستنی کارەکانیاندا. دووپاتی کردەوە کە ڕێکخراوەکەیان بەردەوام دەبێت لە پاڵپشتیکردنی سێکتەرە خزمەتگوزارییەکان و هەوڵ دەدەن قەبارەی هاوکارییەکانیان بۆ ناو کەمپەکان و ناوچە جیاجیاکانی هەولێر فراوانتر بکەن.