مەسرور بارزانی سەرۆكی حكوومەتی هەرێمی كوردستان ئەمڕۆ سێشەممە لهگەڵ لیو جون كونسوڵى گشتيى کۆماری میللی چین لە هەرێمی کوردستان كۆبووەوە.
لە كۆبوونەوەكەدا، سەرۆكی حكوومەت و كونسوڵی گشتی كۆماری چین بیروڕایان لەبارەی دۆخی گشتیی عێراق و شەڕ و گرژییەکانی ناوچەکە بەشێوەیەكی گشتی ئاڵوگۆڕ کرد.
مەسرور بارزانی سەرۆكی حكوومەت جەختی لە گرنگیی پاراستنی ئاسایش و سەقامگیریی هەرێمی کوردستان و ئاشتی و ئارامی عێراق و ناوچەکە کردەوە.
هەر لەو كۆبوونەوەیەدا هەردوولا هاوڕابوون لەسەر پێویستیی کاراکردنەوەی پەرلەمانی کوردستان و پێکهێنانی کابینەی نوێی حکوومەتی هەرێمی کوردستان.
جەختیش لە بەرەوپێشبردنی پەیوەندیی دوولایەنە لەنێوان هەرێمی كوردستان و كۆماری میلـلی چین لە بوارە جۆراوجۆرەکاندا کرایەوە.