وەزارەتی کارەبای حکومەتی هەرێمی کوردستان خۆشحاڵە بە ڕاگەیاندنی گەیشتنی کارەبای 24 کاتژمێری بۆ نزیکەی 5.5 ملیۆن هاووڵاتی، کە دەکاتە زیاتر لە 85%ـی دانیشتووانی هەرێمی کوردستان لە چوارچێوەی پڕۆژەی ڕووناکی.
لەچوارچێوەی ئەم هەنگاوەش تەواوی شارەکانی زاخۆ، سۆران، ڕاپەڕین، پیرمام، ئاکرێ، سیمێل و کۆیە کارەبای 24 کاتژمێرییان بۆ دابین دەکرێت لەڕێگەی پڕۆژەی ڕووناکی.
هەموو هاوبەشانی ماڵان کە دەبنە بەشێک لە پڕۆژەی ڕووناکی لەو ناوچانە لە داشکاندن بەڕێژەی 50٪، 25٪ و 15٪ لەسەر پسوولەی کارەبا بۆ سێ مانگی یەکەم وەک بەشێک لە قۆناغی ڕاگوزەری بۆ نرخە نوێیەکانی کارەبا سوودمەنددەبن.