محەمەد خدر جەریدە
فەرهاد عەونی، سیمایەکی گەش و پڕ لە شکۆی مێژووی ڕۆژنامەگەریی کوردییە، کە لە بنەماڵەیەکی ئەدیب و نیشتمانپەروەردا وەک پێشەنگێکی لێهاتوو دەرکەوتووە.
ئەم کەسایەتییە سەنگین و تایبەتە، بە دانایی و ڕۆحە نیشتمانییەکەیەوە توانیی ببێتە چەترێک بۆ کۆکردنەوەی هەموو قەڵەمە ئازادەکانی کوردستان.
لە سەردەمی زێڕینی سەرۆکایەتیی ئەودا لە سەندیکای ڕۆژنامەنووسان، شکۆ بۆ پیشەی ڕۆژنامەگەری گەڕایەوە و پێگەی قەڵەم لە لووتکەدا بووە.
فەرهاد عەونی باوکێکی میهرەبان بوو بۆ ڕۆژنامەنووسان و بەردەوام خەمخۆری ماف و ژیانیان بووە. یەکێک لە جوانترین سیماکانی سەردەمی ئەو، ڕێزگرتن و خەڵاتکردنی بەردەوامی ڕۆژنامەنووسان بوو، کە هەمیشە هەوڵ و ماندووبوونیانی بەرز دەنرخاند.
ئەو بە ڕۆحێکی یەکگرتووانەوە توانیی ڕیزەکانی ڕۆژنامەنووسان یەک بخات و سەندیکایەکی سەرتانسەری و بەهێز لە پێناو خزمەتی وشەی کوردیدا بنیاد بنێت. ژیانی ئەو ئاوێتەیەکە لە خەباتی پێشمەرگایەتی، کاری سیاسی و داهێنانی ڕۆژنامەوانی، کە هەمووی لە پێناو ئامانجە باڵاکانی گەلەکەیدا بووە.
فەرهاد عەونی بە کەسایەتییە خاکی و لە هەمان کاتدا پڕ لە هەیبەتەکەی، بووەتە قوتابخانەیەک بۆ فێربوونی وەفا و دڵسۆزی بۆ خاک و پیشە. ئەو مرۆڤە مەزنەی بۆ خزمەتی باوکە پیر و نەخۆشەکەی چەندین پۆستی ڕەت کردەوە، سەلماندی کە ئەخلاق و وەفا لە سەرووی هەموو پلە و پایەیەکەوەیە.
مێژوو بە شانازییەوە ناوی فەرهاد عەونی وەک نەقیبێکی دادپەروەر، سەرکردەیەکی لێهاتوو و پارێزەری ڕاستەقینەی قەڵەمەکان لە لاپەڕە گەشەکانیدا دەنووسێتەوە.