فەرمانگەی میدیا و زانیاری داواكارییه‌كی ئاراسته‌ی هێزه ئه‌منییه‌كان و رۆژنامه‌نووسان كرد، بۆ ئه‌وه‌ی له كاتی به‌ڕێوه‌چوونی پرۆسه‌ی هه‌ڵبژاردندا رێز له ئه‌ركی یه‌كدی بگرن.
له راگه‌یه‌ندراوه‌كه‌دا هاتووه: داوا لە هەموو دامودەزگا ئەمنییەكانی دەکات ڕێز لە كاری میدیاكاران بگرن و ھاوکارییان بکەن.
هه‌روه‌ها هاتووه: داواش لە میدیا و ڕۆژنامەنوسانیش دەكەین، لە چوارچێوەی هەمان ڕێنمایی هەڵسوكەوت بكەن و ڕێز لە ئەركی ئەو هێزانە بگرن كە بۆ پاراستن و سەركەوتنی پرۆسەی هەڵبژاردن و سەقامگیری و ئارامیی لە ئەرك دان.
ده‌قی راگه‌یه‌ندراوه‌كه‌ی فه‌رمانگه‌ی میدیا و زانیاری
لە 10ی ئوکتۆبەر 2021 پرۆسەی ھەڵبژاردنی ئەنجومەنی نوێنەرانی عێراق بەڕێوەدەچێت، حكومەتی هەرێمی كوردستان لە سۆنگەی بڕوابوونی بە رۆڵی گرنگی میدیا لە چاودێریكردنی پرۆسەی هەڵبژاردنەكان و ڕووماڵ کردنی ئەو پرۆسە دیموکراتییە، داوا لە هەموو دامودەزگا ئەمنییەكانی دەکات ڕێز لە كاری میدیاكاران بگرن و ھاوکارییان بکەن و لە چوارچێوەی رێنماییەكانی كۆمسیۆنی باڵای سەربەخۆیی هەڵبژاردنەكان مامەڵە لەگەڵ تیمەكانی ڕاگەیاندن بكەن. لە قۆناغەكانی دەنگدانی تایبەت و گشتی و جیاكردنەوەی دەنگەكانیش، زەمینە خۆش بكرێت تا میدیاكارانی ناوخۆ و دەرەوە بە شێوەیەكی ئازادانە و پیشەییانە كارەكانیان ئەنجام بدەن.
داواش لە میدیا و ڕۆژنامەنوسانیش دەكەین، لە چوارچێوەی هەمان ڕێنمایی هەڵسوكەوت بكەن و ڕێز لە ئەركی ئەو هێزانە بگرن كە بۆ پاراستن و سەركەوتنی پرۆسەی هەڵبژاردن و سەقامگیری و ئارامیی لە ئەرك دان.
فەرمانگەی میدیا و زانیاری
حکومەتی ھەرێمی کوردستان
8ی تشرینی یەکەمی 2021