سه‌رۆكى هه‌رێمى كوردستان، پیرۆزبایى له ڕابه‌رى بزووتنه‌وه‌ى ئیسلامى ده‌كات
ئه‌مڕۆ يه‌كشه‌ممه 2022/2/6 نێچيرڤان بارزانى، سه‌رۆكى هه‌رێمى كوردستان، له په‌يوه‌ندييه‌كى ته‌له‌فۆنيدا له‌گه‌ڵ شێخ عيرفان عه‌بدولعه‌زيز ڕابه‌رى بزووتنه‌وه‌ى ئيسلامى له كوردستان، بۆ دانانه‌وه‌ى به ڕابه‌رى گشتيى بزووتنه‌وه‌ى ئيسلامى، پيرۆزبايى لێكرد و هيواى سه‌ركه‌وتنى بۆ خۆيان و بزووتنه‌وه‌ى ئيسلامى خواست.
لاى خۆيه‌وه شێخ عيرفان عه‌بدولعه‌زيز، به ناوى خۆيان و بزووتنه‌وه‌ى ئيسلامييه‌وه، سوپاس و پێزانينى بۆ په‌يوه‌ندى و پيرۆزبايى و پيشتگيريى به‌ڕێز سه‌رۆكى هه‌رێمى كوردستان ده‌ربڕى.