ڕاپه‌ڕین..سه‌نته‌رێكی منداڵانی تووشبووی ئۆتیزم نۆژه‌ن ده‌كرێته‌وه
بە فەرمانی سەرۆکی حکوومەتی هەرێمی کوردستان نزیکەی 115 ملیۆن دینار بۆ منداڵانی تووشبووی ئۆتیزم لە دەڤەری ڕاپەڕین خەرج دەکرێت.
فەرمانگەی میدیا و زانیاری ئەمڕۆ دووشەممە ڕایگەیاند: لەپێناو بەرژەوەندی گشتی و سەلامەتی منداڵانی تووشبووی بە ئۆتیزم لە دەڤەری راپەرین، بە فەرمانی مەسرور بارزانی سەرۆکی حکوومەتی ھەرێمی کوردستان ڕەزامەندی درا لەسەر خەرجکردنی بری 114 ملیۆن و 835 هەزار دینار.
ئاماژە بەوەش کراوە ئەم بڕە پارەیە بۆ نۆژەنکردنەوەی باڵەخانەی دایەنگەی شارۆچکەی حاجیاوە و دابینکردنی کەلوپەل و پێداویستییەکانی باڵەخانەكەیە کە خاوەنداریەتییەکەی بۆ وەزارەتی کار و کاروباری کۆمەڵایەتی دەگەڕێتەوە و تایبەت دەکرێت بە سەنتەری ئۆتیزم.