سەرۆك بارزانی ئەمڕۆ پێنجشەممە سەرەخۆشی لە كەسوكاری خوالێخۆشبوو (موحسین ئامێدی) تێكۆشەر و خەباتكار و پێشمەرگەی هەردوو شۆڕشی ئەیلوول و گوڵان و هەڵگری مەدالیای بارزانی كرد.
ئێوارەی ئەمڕۆ پێنجشەممە سەرۆک مەسعود بارزانی لەڕێی پەیوەندییەکی تەلەفۆنییەوە، سەرەخۆشی و هاوخەمیی خۆی بە محەمەد موحسین گەیاند بۆ کۆچی دوایی کەسایەتیی نیشتیمانپەروەر و پێشمەرگەی هەردوو شۆڕشی ئەیلوول و گوڵان و هەڵگری مەدالیای بارزانی خوالێخۆشبوو (موحسین ئامێدی)ـباوکیان.
موحسین ئامێدی تێكۆشەر و خەباتكار و پێشمەرگەی هەردوو شۆڕشی ئەیلوول و گوڵان و هەڵگری مەدالیای بارزانی، دوێنێ چوارشەممە بەهۆی نەخۆشییەوە کۆچی دوایی کرد.