شەیما مستەفا
هەلبژارتن وەك پروسێسەکا گرنگ ل وەلاتێن پێشکەفتی دهێنە ئەنجامدان پیخەمەت دیارکرنا دەسەلاتێ و حکومەتا داهاتی بو دەمەکێ دیار کری، هەلبژارتن دهێنە ئەنجامدان ب رێکا دەنگدانێ ژ لایێ دەنگدەران ڤە بو دیارکرنا حکومەتا نوی ب گورەی بەلێن و سوزێن دهێنە دان ژ لایێ بەربژێران ڤە، ل هەرێما کوردستانێ ژی چوار سالا جارەکا هەلبژارتن دهێنە ئەنجامدان و ژ بەری چەند هەیڤەکا ئانکو ل سالا بوری هەلبژارتن ل هەرێما کوردستانێ هاتنە ئەنجامدان و خەلکێ بڕیار دا بەردەوامی بهێتە دان لگەل پارتی دیموکراتی کوردستان، پارتی دیموکراتی کوردستان ئەو چەندە سەلماندیە کو حوکمرانی خزمەتکرن و ئاڤەدانکرنە، داخوازکرنا سەروكێ هەرێما کوردستانێ و سەروك وەزیرێن هەرێما کوردستانێ بو کوربەند و کونفەرانسێن نیڤدەولەتی نیشانێن وێ چەندێ نە کو نە بتنێ ل سەر ئاستێ دەڤەرێ بەلکی ل سەر ئاستێ جیهانێ ژی متمانە ب هەرێما کوردستانێ و پارتی دیموکراتی کوردستان هەیە، پێشهاتێن ل دویماهیێ ڕویدان وەك کەفتنا رژێما بەشار ئەسەدی ل سوریا و پێڤاژویا ئاشتیێ ل وەلاتێ تورکیا کو چەندین سالە بووینە گرێك ل دەڤەرێ بێگومان دێ کاریگەری هەبت ل دەڤەرێ، چارەسەرکرنا ئاریشەیێن سیاسی پێتڤی ب کەسانێن شارەزا هەیە و هەمی سیاسەتمەدار نەشێن هەمی پرسا چارەسەر بکن، ب حکومڕانیا پارتی دیموکراتی کوردستان کو د گەلەك کاودانان دا وەك لێڤەگەڕ دهێنە دیتن پرسێن هەلاویستی ب ساناهی دبن و ئاریشە چارەسەر دبن، حکومەتا داهاتی یا هەرێما کوردستانێ ب سەرکردایەتیا پارتی دیموکراتی کوردستان ئاماژەیە بو وێ چەندێ کو دێ پتر گەشە ل هەرێما کوردستانێ هەبت و دێ کەڤیتە د قوناغەکا پیشکەفتی تر دا، روژهەلاتا ناڤین وەكی دیار یا د گوڕانکاریەکا سیاسی و جوگرافی دا دەرباز دبت ژ لایەکی ڤە شەڕ و پێكدادان بەردەوامن و ژ لایێ دی ڤە دیار نینە کا دێ سیاسەتا کارگێریا نوی یا ویلایەتێن ئێکگرتیێن ئەمریکا چەوا بت بەرامبەر ڕوژهەلاتا ناڤین، سەڕەڕای ڤێ هەمیێ دەلیڤەیەك نوی یا بو هەرێما کوردستانێ پەیدا بووی.
کابینا نوی، حکومەتەك چەوا؟
