بۆ ساڵی 2024، هۆڵەندا لە پلەی شەشەمی بەختەوەرترین وڵاتی جیهاندا هاتووە

عەبدولقەهار هەولێری/ هۆلەندا

لە چوارچێوەی ڕاپۆرتی بەختەوەریی جیهانیی بۆ ساڵی 2024، هۆڵەندا لە پلەی شەشەمی بەختەوەرترین وڵاتی جیهاندا هاتووە، ئەو وڵاتە پێنج پلە لە دوای فینلانداوەیە، وڵاتێک کە لە ڕابردوودا نازناوی “بەختەوەر ترین وڵاتی جیهان”ـی بەدەستهێناوە.

ڕاپۆرتی بەختەوەری جیهانی توێژینەوەیەکی ساڵانەیە کە بەکاردێت بۆ دەرەنجامەکان سەبارەت بە بەختەوەری و خۆشگوزەرانی دانیشتووانی ١٤٣ وڵاتی جیاواز لە جیهاندا. ڕاپۆرتەکە بە بەکارهێنانی زانیارییەکانی گالۆپ، سەنتەری ئۆکسفۆرد بۆ توێژینەوەی خۆشگوزەرانی و تۆڕی چارەسەری گەشەپێدانی بەردەوامی نەتەوە یەکگرتووەکان کۆکراوەتەوە.
وڵاتان بەپێی خۆهەڵسەنگاندن ڕیزبەندی دەکرێن بۆ ئەو هاووڵاتیانەی لە وڵاتێکی دیاریکراودا دەژین، لەسەر پێوەرێک لە 0 کە خراپترینە، بۆ 10، کە باشترین هەڵسەنگاندنی ژیانە کە مرۆڤ دەتوانێت بەدەستی بهێنێت.
هۆڵەندا بۆ ساڵی 2024 لە پلەی شەشەمی بەختەوەرترین وڵاتی جیهاندا هاتووە، لە ڕیزبەندییەکەی ساڵی ڕابردوو لە پلەی پێنجەم دابەزیووە. سوید پێش هۆڵەندا کەوت کە ساڵی ڕابردوو شەشەم وڵاتی بەختەوەرترین وڵات بوو، ساڵی ٢٠٢٤ بۆ پلەی چوارەم بەرز دەبێتەوە.
پلەی یەکەم لەلایەن وڵاتی بەختەوەری فینلانداوە داگیرکراوە کە بۆ حەوتەمین ساڵ لەسەریەک پێشەنگی ڕیزبەندییەکەی گرتووە.
پێدەچێت فاکتەری سەرەکی پشت بەختەوەری فینلاندا هەستی بەهێزی کۆمەڵایەتی وڵاتەکە بێت.
بەگوێرەی ڕاپۆرتەکە، ئەمانە 10 وڵاتی بەختەوەر ترین وڵاتی جیهانن لە ساڵی 2024دا
فینلاند، دانیمارک، ئایسلەندا، سویدی، هۆڵەندا، نەرویج، لۆکسمبۆرگ، سویسرا،ئوسترالیا