مەرەما بەغدا

عارف ڕوشدی

هەر کەسەکێ بڤێت ژ ڕاستیێ دویرنەکەڤیت، دێ ب زەڵالی تێگەهیت مەرەما بەغدا ژڤان بریارێت دادگەها بناڤ فیدڕالی، (دژایەتییا خەلکێ کوردستانێ و بچیککرنا هەرێما کوردستانێ) یە ، وەلێ جهێ داخێیە ، دەستەکی ڕەشی نافخۆ هاریکارێ دوژمندارییا بەغدایە و لدیف پلانا دەسەڵاتدارێت بەغدا کاردکەن، لەوما ئەز ژمیژڤە گەهشتیمە وێ باوەرێ (نەحەقییە گازندا ژ ؛ عەرب ، تورک و عەجەما) بکەین، ئەو مللەتێت سەر دەست و داگیرکەرن، خواستەکا وان دیارە پتنێ مە (وەک خزمەتکار دبینن) .
بۆ زانین ؛ سیستمێ فیدرالی ب وێ واتاێ دێت ( پاراستنا تایبەتمەندییا گەل و دەڤەرەکێیە و پارڤەکرنا دەسەڵات و داهاتایە)، هەر وەسا ڕێزگرتنە ل یاساو ڕێساێت هەرێما فیدرال، بەلکو هەر دەمەکێ کێشەیەک هەبیت دناڤبەرا هەرێم و بەغدادا و ، هەرێم ڕازینەبیت ب بریار و یاسایەکی فیدرالی ، ل دیف بەندەکی تایبەتێ دەستوری ، یاساێت هەرێمی پێش یاساێت فدرالی دکەڤن . بەلێ ل عیراقا ئەڤرۆ ، هەمی ئەو پرینسیپە هاتینە بن پێکرن، جهێ داخێیە بۆ جێبەجێکرنا مەراما خۆیا چەپەڵ دەست برینە ؛ بۆ بڕینا موچێت فەرمانبەرێت کوردستان، بمەبەستا نەهێلانا باوەریێ دناڤبەرا خەلک و حکوومەتا هەرێما کوردستانێ دا و، نەچارکرنا هەرێمێ داکو رازیبیت ب پیلانا بچیککرنا قەوارەو کێمکرنا دەسەڵاتێت دەستوری .
ئەگەر وەسا نەبیت بۆچی دێ بێژن ئەم ڕاستەخۆ موچەی دێ دابەشکەین ؟ ئەگەر سەر ڕاستن، بلا وی گوژمێ تەرخانکری بۆ موچەی بدەنە دەستێ (وەزارەتا داراییا هەرێمێ ) ، کو سەد جارا رێکوپێکترە ژهەمی وەزارەتێت عیراقێ . هەر وەسا هەتا نوکە بەغدا دانپێدانانێ پتنێ ب ٦٨٢ هەزار فەرمانبەرا کەتن ؟ لەوما هیڤیدارم ئەم بسەردا نەچین و نەئێینە خاپاندن .