لە چوارچێوەی بەدواداچوونی بەردەوام بۆ پڕۆژە خزمەتگوزارییەکان،” ئەندازیار کارزان عەبدولهادی، سەرۆکی شارەوانیی هەولێر، بە یاوەری بەڕێوەبەری شارەوانیی چوار و سەرپەرشتیار و سەرۆک بەشەکانی هونەری و پلاندان، سەردانێکی مەیدانی بۆ پڕۆژەی “ڕێڕەوی ژیانی” لە شەقامی کۆڕنیشی هەولێر ئەنجامدا.
لە سەردانەکەدا، سەرۆکی شارەوانیی لە نزیکەوە لە دوایین قۆناغەکانی کارکردنی پڕۆژەکەی کۆڵییەوە و جەختی لەسەر جێبەجێکردنی کارەکان بەپێی نەخشەسازیی ستراتیجی و ستانداردە داواکراوەکان و هەروەها، تیشکی خستە سەر چەند بەشێکی خزمەتگوزاریی پڕۆژەکە و هاوکات ڕێنمایی پێویست درا بۆ چڕکردنەوەی هەوڵەکان بەمەبەستی خێراکردنی پڕۆژەکە و خزمەتکردنی زیاتری شاری هەولێر و هاووڵاتییانی خۆشەویست.
ڕاگەیاندنی سەرۆکایەتیی شارەوانیی هەولێر