حەسەن حەمەد ئاندێکی – ههولێر
میرزاپوور (Mirzapur) ناوی شارێکە لە هەرێمی ئۆتارپرادێشی هیندستاندا؛ فیلمی میرزاپوور شاکارێکی ناوازەی تاوانکاری و درامییە کە چیرۆکەکەی لە قووڵایی شەقامە تاریکەکان و جیهانی ژێرزەمینیی مافیاکانەوە سەرچاوە دەگرێت.
ناوەرۆکەکەی بە تەواوی تیشک دەخاتە سەر ململانێی خوێناوی و بێبەزەییانەی نێوان چەندین باڵی جیاواز کە هەریەکەیان دەیانەوێت کۆنترۆڵی ڕەهای بازرگانییە نایاسایییەکان و چەک و ماددە هۆشبەرەکان بکەن. لەم پێناوەدا خیانەت، تۆڵەسەندنەوە و پیلانگێڕی دەبنە چەکی سەرەکی کارەکتەرەکان بۆ مانەوە لە لوتکەی دەسەڵاتدا. کوڕی گەورەی پاشای تاوان هەوڵ دەدات بە هەر شێوازێک بێت بیسەلمێنێت کە شایستەی میراتەکەی باوکیەتی، ئەمەش وای لێدەکات بڕیاری شێتانە و توندوتیژ بدات کە سەرانسەری شارەکە دەخاتە نێو پشێوییەکی گەورەوە. لە لایەکی دیکەوە، هێزە یاسایییەکان و پۆلیسی ناوچەکە لە نێوان گەندەڵی ناوخۆیی و هێرشی مافیاکاندا دەچنە نێو جەنگێکی دەروونی و جەستەیی سەخت کە تێیدا سنووری نێوان چاکە و خراپە بە تەواوی کاڵ دەبێتەوە. دیمەنە ئەکشنەکان بە شێوازێکی زۆر سەرنجڕاکێشن و لایەنی دەروونی مرۆڤەکان و ترسی لەدەستدانی هێزدا بە قووڵی پێشان دەدەن. ململانێی خێزانی، پاراستنی شەرەفی خێڵەکی و قوربانیکردنی هاوڕێ نزیکەکان لە پێناو بەرژەوەندی تایبەتدا، تەوەری سەرەکی پەرەسەندنی ڕووداوەکان پێکدەهێنن. ئەم فیلمە لێکۆڵینەوەیەکی قووڵە لەسەر سروشتی مرۆڤ کاتێک دەسەڵاتی بێسنووری دەکەوێتە دەست و چۆن ئەو دەسەڵاتە دەبێتە هۆی لەناوچوونی خۆی و دەوروبەری.