پارێزگای هەولێر داوای لە سەرجەم هاووڵاتییان كرد لە كاتی بینینی هەر سەرپێچییەك كە ببێتە هۆكاری پیسبوونی كەشوهەوا و ژینگە، پەیوەندییان پێوە بكەن.
پارێزگای هەولێر لە ئاگادارییەكدا بۆ هاووڵاتییان بڵاوی كردەوە “بۆ زیاتر هەمەهانگى و کۆنتڕۆڵکردنى ژینگەى شارى هەولێر، بۆ هەر سەرپێچەیەک و کێشەیەکى ژینگەیى دەتوانن هاوکارمان بن لە ئاگادارکردنەوەمان”.
بڵاویشی كردەوە “پاراستنى ژینگەى شاری هەولێر ئەرکى هەموو لایەکە”.
هەروەها بڵاوی كردەوە “لە کاتى بینینی هەر سەرپێچى و کێشەیەکى ژینگەیى، دەتوانن پەیوەندى بەم هێڵە گەرمانە خوارەوە بکەن لە ڕیگەى ڤایبەر و واتسئاپ”.
ئومێد خۆشناو پارێزگاری هەولێر دوێنێ یەكشەممە لە كۆنگرەیەكی رۆژنامەوانیدا رایگەیاندبوو “لەپێناو جێبەجێكردن فەرمانی مەسرور بارزانی سەرۆكی حكوومەتی هەرێمی كوردستان بۆ چارەسەكردنی كێشەی پیسبوونی ژینگە، سەرجەم ئەو پاڵاوگە و مۆلیدە و ئۆتۆمبێلانەی پابەندی یاسا و رێنماییەكان نابن و ژینگە پیس دەكەن، توندترین سزایان بەسەردا دەسەپێنرێت و خاوەنەكانیان دەستگیر دەكرێن”.
هێڵە گەرمەكان بریتین لە مانەی خوارەوە:-
07831239606
07501859805
07501859808