فازڵ میرانی: کێشەیا مە ل گەل عەقلییەتا حاکم ل عیراقێ یە، کێشەیا مە ل گەل ناڤا نینە

سکرتێرێ مەکتەبا سیاسییا پارتی دیموکراتی کوردستان فازل میرانی ل گەل ئەندام و ئالیگرێن پارتی یێن دەڤەرا شنگال و زووممار دیارکر:” بۆچی هەموو وەڵاتان ناسنامە و پاسپۆرتێن خۆ هەبن گەلۆ بۆچی مەنەبن.

فازل میرانی ل هەمبەر وی جەماوەری گۆتژی:” کوردینی و پارتاییەتی نە ب جلووبەرگاییە، ئێک هەیە ب شەروال و جەمەدانییا سۆر و شین ل سەری یە، ئێکی هەیە دشداش و عەگال ل سەرییە، کورد بوون و پارتیبوون، ئینتیمائا قەومییە، و خوینە و هەستە، ژ قەسر سریجی هەتا خانەقین و هەتا حاجی ئۆمەران ئێک شعور هەیە ئەوژی شعورێ ئینیمائا نیشتیمانییە، کوردستان ژی شعورێ ئیتنتیمائا قەومییەتێ ییە.
هێشتا دیارکر، خودایی نەگۆتییە کورد برا بچووکێ هیچ گەلەکێیە، ئەوا وان گەلان بۆ خۆە دڤێت ئەگەر بۆ مە ژی بڤێت مە هیچ ئاریشەیەک نینە، ئەم دکارین وەک برا بژین و جیرانێن باش بین بۆ هەمووا، مە گشتپرسییەک کر، مە بۆچوونا مللەتێ خۆ وەرگرت، مللەتێ مە ژی گۆتە مە:” بەلێ” مە دڤێت سەربەخۆ بین، مە ژی گۆت ئەگەر رۆژەکی ژ رۆژان ڕەوش یە گونجایی بیت ئەم سەربەخۆ بین، بریارەک هاتە دان دڤیت ئەم بچینە سنوورێن خۆیێن نێڤدەولەتی.
گوتژی:”کێشەیا مە ل گەل عەقلییەتا حاکم ل عیراقێ یە، کێشەیا مە ل گەل ناڤا نینە، کێشەیا مە ل گەل عەقلیەتێ یە، ئەو عەقلیەتا (لا یؤمن احدكم حتى یحب لاخیه ما یحب لنفسه، أتأمرون الناس بالبر و تنسون أنفسكم وأنتم تتلون الكتاب أفلا تعقلون) ئەڤە بەحسی ڤاناییە، ئەڤە بەحسێ وان حاکمێن زاڵمە، مە نەگۆتیە مللەت دزاڵمن بەلکو حاکم دزاڵمن.
دیار ژی کر:” ل ویلایەتەکا کەنەدا سێ جاران ریفراندۆم هاتە کرن، و هەر سێ جاران سەرنەگرت، بەلێ کەنەدا تۆپ و تەیارە نەبرنە سەر وان، ل باشوورێ سۆدانێ ریفراندۆم هاتە کرن، عومەر بەشیر گۆت ئەگەر وە دڤێت جودابن ”پیرۆزبیت” بەلێ ئەڤا ڤان کری عەقلیەتا ڤانایە، دڤێت ئەم ب ڤێ بیرکرنا ڤانا دڤێت ئەم دەستێ ئیکبگرین، و دڤێت ئەم وێ خەونا خۆ ژی ژبیر نەکەین، دبیت ئیرۆ ڕەوش نەیە گونجایی بت بۆ بدەستڤەئینانا ڤێ خەونێ، بەس ئەم ژبیرناکەین و دڤێت ئەم ل ئیمکانیاتا بگەڕێین، هەتا کو مە ئیمکانییات هەبن ئەم دێ بجهـ ئینینن.
دبەشەکێ دی یێ ئاخفتنا خۆ دا سکرتیرێ مەکتەبا سیاسیا پارتی دا دیارکرن، نۆکە رەوشا عەرەبا و کوردان و مەسحییان ل عیراقێ نەیە باشە چونکە عەقلییەتا حوکمڕانی ل عیراقێ نە حوکمڕانییەکا نیشتیمانپەروەرییە، دەولەتا عیراقێ؛ نە دەولەتەکا وەڵاتیبوونێ یە، یان دەولەتەکا حزبەکێ یە، یان توێژەکێ یە، یان ژی کۆمەڵەکێ یە، یان مەزهەبی یە، ئەو خەلکێ دی نە د بەشدارن د بریارا سیاسیی دا. ئەم کورد نەتەوەیێ دووێ نە ل عیراقێ ئەم نە مشارکین ئەم شەریکین دڤی وەڵاتی دا، و شەریک ژی دڤێت پشكا خۆ د بریاردانێ دا هەبیت، پشکا خۆ د پارێزگارەکی یان قائمقامەکی و وەزیرەکی دا هەبیت، دڤێت ئەم بزانین ئەڤ وەڵاتە چاوا بڕیڤە دچیت.