ڕەمەزان قوتابخانەی بنیاتنان(بنیاتنانی خود)

                                     عومەر چنگیانی

هەمیشه موسڵمانان دڵخۆش و کەیف شادن بە هاتنی مانگی ڕەمەزان و وەرزی ڕۆژو و پەرستش و عیبادەتی جۆراوجۆر، پێشبرکێ دەکەن لە گوێڕایەڵی کردنی خودای گەورە بۆ بەدەستهێنانی زۆرترینی دەستکەوتەکان، زۆر قورئان دەخوێنن و خێر و صەدەقەی زیاتر دەکەن بەسەر هەژاران و نەداران .
تەوەری یەکەم : بنیادنانی ئیمانی، ڕۆژوو ئەو قوتابخانە ئیمانیەیە کە کاردەکا بۆ بنیادنان و بەهێزکردنی ئیمان و ڕاستڕێکردنی هەڵسوکەوتی ڕۆژوەوان تاوەکو بگا بەو ئاستە بڵند و بەرزەی کە لەئایەتی چواری سورەتی(تین)دا دەفەرمێت: (بەڕاستی مرۆفم لە جوانترین شێوە دروستکردووە) . ڕۆژوو گرتن ڕێوڕەسمێک نییە کە لە وەرزێکی دیاریکراودا جێبەجێ بکرێ و پاشان تێپەڕبێت و هیچ شوێنەوارێکی نەبێ لەسەر نەفس و لەسەر ژیانی ڕۆژانە، بەڵکو مەبەست لێی بنیادنانی ئیمانە.
ڕۆژوو هەستی چاودێری ئیلاهی و ترس لەخودا لە ناخی ئیمانداران دروستدەکا، کارو کردارو گوفتار و هەست و تەنانەت ئەندامەکانی جەستەش هەڵدەنێ بەرەو زیادکرنی ئیمان و ڕەزای ئیلاهی .
تەوەری دووەم : بنیادنانی کرداری : هیچ مانگێک وەکو مانگی ڕەمەزان نیە لە خێر و بەرەکەت و زیادبونی ئیمان، لەو مانگەدا چاکەکان چەند قات هەژماردەکرێ و گوناح و تاوانەکان دەسڕێنەوە، لێرەدا ڕۆژوو ڕاهێنانێکی کردارەکییە بۆ بەهێزکردنی ئیمان .
١- ڕۆژوو ئیرادەمان بەهێزدەکات لەسەر کپ کردنەوە و ڕێکخستنەوەی شەهوات ئارەزووەکان .
٢-ڕۆژوو توانامان بەهێزدەکات لەسەر کۆنترۆڵکردنی ئەعصاب و خواردنەوەی توڕەیی.
٣- ڕۆژوو تەقوا لە دڵ و ئەندامانی جەستەدا زیاتر دەکا .
٤- فێرمان دەکا بە سۆزو بەزەیی بین و چاوبپۆشین لە هەڵەی ئەو کەسانەی بەرانبەرمان ئەنجامیانداوە.
٥-فێرماندەکا هاوکار و هاریکاری موسڵمانان بین و هەست بە ئازارەکانیان بکەین، کە هەستی یەکریزی و برایەتی ئیمانی یە .
خوێنەری بەڕیز: وێرأی ئەوەی کە ئەم بابەتە توێشووی گوتاری هەێنی ڕابردووی زۆربەی مزگەوتەکانی کوردستان بوو لە ١٥ی٣ی٢٠٢٤دا، مامۆستا بەڕیزەکان ئەرکە پیرۆزە نەتەوەیی و نیشتمانییەکەیشیان فەرامۆش نەکرد و لە پوختەگوتارێکدا لەبارەی تاوانە گەورەکەی ڕژیمی بەعس لە ١٦ی٣ی١٩٨٨دا لەدژی خەڵکی هەڵەبجە ئەنجامیدا تیشکیان خستە سەر بابەتی کیمیابارانەکە و لەژێر سەردێڕی(هەڵەبجە برینێکی ساڕێژنەکراو)وتیان:
کارەسات و کەیسی هەڵەبجە یەکێکە لە دیارترین شاهێدی زیندووی زوڵم و ستەمی مرۆڤ لەبرا مرۆڤەکەی و یەکێکە لەگەورەترین خراپەکاریەنی سەر زەمین و یەکێکە لە کارەساتە جەرگ بڕەکانی ململانێی نێوان عێراق و ئێران لە ساڵانی 1980 – 1988م، بەڵکو مەزنترین کارەساتە لە مێژووی کوردیدا، شاری هەڵەبجە یەکێکە لەو شارە کوردیانەی کە تووشی بۆمباران بویەوە بە چەکی کیماوی قەدەغە کراوی نێو دەوڵەتی، لە ڕۆژانی 15 و 16 ئازاری 1988م،لە دەرەنجامدا زیاتر لە پێنج هەزار (٥٠٠٠) ژن و منداڵ و پیر و جەوان شەهید بوون و زیاتر لە دە هەزار ( ١٠٠٠٠) هاووڵاتی دیکەش بریندار بوون و دواتر شەهید بوون بەهۆی کاریگەری گازی ژەهراوی، هەروەها شاری هەڵەبجە تووشی ڕاگواستن و کاولکردن بویەوە لەژێر هەڵمەتێکی سەربازی زاڵم لەژێر ناونیشانێکی درۆینە بەناوی حملة عسكریة ظالمة أطلق علیها زورأ اسم (هەڵمەتی ئەنفال) بەئامانجی کۆمەڵکوژی میللەتی کورد کە هێزەکانی عێراقی سەرپەرشتیان دەکرد بە هەشت قۆناغ و لە ماوەی شەش مانگ کە بۆ هۆی لەناوبردنی زیاتر لە 182000 کەسی سڤیل و بێتاوان، هەموویان لەسێدارەدران و کوژران و زیندەبەچاڵ کران لەگۆڕی بەکۆمەڵدا بێ بەزەییانە .
بۆیە تا ئێیستاش برینی هەڵەبجە سارێژ نەبووە …..).