رێباز حەملان، یاریدەدەری سەرۆك وەزیرانی هەرێمی كوردستان رایدەگەیەنێت ناوەڕاستی هەفتەی داهاتوو 700 ملیار دیناری دیكە دەگاتە هەرێمی كوردستان و لیستی مووچە ئامادەیە بۆ دابەشكردنی مووچەی مانگی هەشت.
لە لێدوانێكی بۆ دەزگاكانی راگەیاندن رێباز حەملان، یاریدەدەری سەرۆكی حكومەتی هەرێمی كوردستان رایگەیاند لیستی مووچەی مانگی هەشت ئامادەیە و لە ناوەڕاستی هەفتەی داهاتوو بانكەكانی رافیدەین و رەشید و بازرگانی بڕی 700 ملیار دیناری دیكە دەخەنە سەر ئەژماری وەزارەتی دارایی حكومەتی هەرێمی كوردستان و دەستبەجێ دابەشكردنی مووچەی مانگی هەشت دەستپێدەكات.
دوای سەردانی سەرۆكی حكومەتی هەرێمی كوردستان بۆ شاری بەغدا و كۆبوونەوەی لەگەڵ بەرپرسانی حكومەتی فیدڕاڵی بڕیاردرا بڕی دوو تریلیۆن و سەد ملیار دینار بۆ دابەشكردنی مووچەی سێ مانگی مووچەخۆرانی هەرێم بە قەرز دابین بكرێت بەجۆرێك مانگانە بڕی 700 ملیار دینار دەخرێتە سەر ئەژماری وەزارەتی دارایی حكومەتی هەرێمی كوردستان.
لیستی مووچە بۆ دابەشكردنی مووچەی مانگی 8 ئامادەیە
