دەقی پەیامی پیرۆزبایی مەکتەبی سیاسیی پارتی دیموکراتی کوردستان، بەبۆنەی جەژنی (جەمایێ) ئێزیدیان:-
بە بۆنەی هاتنەوەی جەژنی (جەمایێ) ی خوشک و برایانی ئێزیدی، گەرمترین پیرۆزبایی لە میری ئێزیدیان و کەسایەتی و شێخانی ئێزیدی و ئەنجوومەنی روحانی ئایینی ئێزیدییان و سەرجەم خوشک و برایانی ئێزیدی دەکەین، ئومێدەوارین ئەو جەژنە بە خۆشی و ئارامی بەسەر ببەن.
بەو بۆنەیەوە هەمدیسان جەخت لەسەر بەهێزکردنی گیانی تەبایی و پێکەوەژیان لە نێوان گشت پێکهاتە جیاوازەکان لە هەرێمی کوردستان دەکەینەوە، داواکارین بە هەموو لایەک کاربکەین بۆ پاراستنی ئەو ئەزموونە و دەستکەوتەکانمان.
لەو دەرفەتەدا وەک هەمیشە پشتیوانی و پاڵپشتیی خۆمان و سەرۆک بارزانی بۆ دابینکردنی ئاسوودەیی و سەقامگیریی و بەدیهاتنی خواست و ویستە رەواکانتان دووپات دەکەینەوە، هەروەها بەردەوام دەبین لە هەوڵ و هەماهەنگیمان لەگەڵ حکومەتی فیدراڵی عیراق و لایەنە پەیوەندیدارەکان بۆ چارەسەرکردنی یەکجارەکی کێشەی ئەو ناوچە و شارانەی شوێنی نێشتەجێبوونی خوشک و برایانی کوردی ئێزیدین.
جارێکی دیکە جەژنی جەمایێ لە خوشک و برایانی ئێزیدی پیرۆز بێت، ئومێدەوارین هەر شاد و سەرفراز و بەختەوەر بن.
مەکتەبی سیاسیی پارتی دیموکراتی کوردستان
2023/10/6