به‌بۆنه‌ى جه‌ژنى جه‌ماى ئێزدييانه‌وه، نێچيرڤان بارزانى سه‌رۆكى هه‌رێمى كوردستان له په‌يامێكدا پيرۆزبايى له ئێزدييان كرد.
ئه‌مه‌ی خواره‌وه ده‌قی په‌یامه پیرۆزباییه‌كه‌ی سه‌رۆكی هه‌رێمی كوردستانه:-
جه‌ژنا جه‌مايێ ل هه‌مى خوشك و برايێن ئێزدى ل كوردستانێ، عێراقێ و ل هه‌ر ده‌ره‌كا جيهانێ بن، ب گه‌رمى پيرۆز دكه‌م. هيڤيدارم جه‌ژن و بێهنڤه‌دانه‌كا ئارام و ته‌نا ببۆرينن و جه‌ژن و هه‌لكه‌فتێن بهێن ژبۆ مه هه‌ميا د ڕه‌وشه‌كا باشتردا ڤه‌گه‌ڕن.
دڤێ هه‌لكه‌فتێدا جاره‌كا دى هه‌مى خوشك و برايێن خوه يێن ئێزدى پشتڕاست دكه‌ين كو وه‌ك هه‌رده‌م دێ پشته‌ڤانێن ماف و داخوازى يێن وان بين و كار و هه‌ولێن مه يێن ڕزگاركرنا ڕه‌ڤاندى يێن ئێزدى دێ هه‌ر به‌رده‌وام بن، هه‌روه‌سا كوردستان ژبۆ هه‌مى پێكهاتێن وێ يێن ئۆلى و نه‌ته‌وه‌يى دێ هه‌ر مينيت وه‌لاتێ پێكڤه‌ژيانێ.
جه‌ما ل هه‌ميا پيرۆز بيت، هه‌ر سال ب خێر و خۆشى.
نێچيرڤان بارزانى
سه‌رۆكێ هه‌رێما كوردستانێ
2023/10/6