ئینتەر مەیامی بە سەرکردایەتی لیۆنێل مێسی لە یاریی کۆتایی جامی ئەمریکا بووه میوانی ناشڤێڵ و توانیان یارییەکە بە لێدانە یەکلاکەرەوەکان ببەنەوە و بۆ جاری یەکەم مێسی توانی مەیامی بکاتە پاڵەوان و یەکەم ناسناوی بۆ ئەوە یانەیە بەدەستهێنا. مێسی دوو خه‌ڵاتی له یارییه‌كه وه‌رگرت، خه‌ڵاتی باشترین یاریزان و گۆڵكاری پاڵه‌وانێتییه‌كه‌ی به‌ده‌ستهێنا.
لە خولەکی 23 لیۆنێل مێسی لە دەرەوەی ناوچەی سزا یەکێک لە جوانترین گۆڵەکانی کرد و یانەکەشی بە گۆڵێک پێشخست.
لیۆ بەم گۆڵە کۆی گۆڵەکانی لە جامی ئەمریکا لە کۆی 7 یاریی گەیاندە 10 گۆڵە بووە گۆڵکاری پاڵەوانتیەکە.
لە خولەکی 57 یاریزانانی خاوەن یاریگا توانیان سوود لە لێدانێکی گۆشە ببینن و فافا پیکالوت توانی گۆڵی بەرامبەر بوون بۆ ناشڤێل بکات و هەموو شتێکی هێناوە خاڵی سەرەتا.
لە خولەکی 71 سێرخیۆ بۆسکێتس ئاسیستێکی بۆ مێسی کرد و لیۆش جارێکی دیکە نزیکبوو لە دەرەوەی ناوچەی سزا گۆڵی دووەمیش بۆ یانەکەی بکات، بەڵام ئەمجارەیان ستون رێگری لە لیۆ کرد و یارییەکەش لە کاتی یاسایی خۆی بە یەکسانبوون به گۆڵێك بۆ هه‌رلایه‌كیان کۆتایی هات و هەردوولا پەنایان بۆ لێدانە یەکلاکەررەوەکان برد.
مێسی یەکەم لێدانی پێناڵتی بۆ مەیامی جێبەجێ کرد و لێدانەکەشی بە سەرکەوتویی جێبەجێ کرد.
یاریزانانی ناشڤێل لێدانێکیان فەوتاند و دەرفەت بوو بۆ مەیامی یارییەکە یەکلایی بکاتەوە، بەڵام ئەمانیش لێدانەکەیان لەدەستدا.
یاریزانانی ناشڤێل توانیان لە کۆی چوار لێدانی پێناڵتی، لێدانی سێیەمیان كرده گۆڵ و هەموو شتێکیان یەکسانکردەوە.
ئەمجارەیان نۆرە گەیشتە گۆڵپارێزی ناشڤێل، بەڵام نەیتوانی لێدانەکەی گۆڵ بکات و مێسی و ئینتەر مەیامی یەکەم ناسناویان پێکەوە بەدەستهێنا و بونە پاڵەوانی جامی ئەمریکا.