بەڕێوەبەرایەتی پاسپۆرتی پارێزگای هەولێر ئاگادارییەک ئاراستەی هاووڵاتیانی سنووری پارێزگاکە دەکات و رایدەگەیەنێت کە هەفتەی داهاتوو دەوامی فەرمیی بەڕیوەبەرایەتییەکە ئێواران دەبێت.
بەڕێوەبەرایەتییەکە رایگەیاندووە: “ئاگاداری هاووڵاتیانی خۆشه‌ویست ده‌که‌ینه‌وه کە سەرجەم مامەڵەکانی دەرهێنان و نوێکردنەوە و وەرگرتنەوەی پاسپۆرت لە سەرجەم نووسینگەکانی پاسپۆرت ( نووسینگەی یەک – نووسینگەی دوو – نووسینگەی سۆران – نووسینگەی کۆیە)ی پاسپۆرتی پارێزگای هەولێر لە رۆژی یەکشەممە ڕێکەوتی ( 07/11/2021) تاکو ڕۆژی پێنجشەممە ڕێکەوتی (11/11/2021) کاتی دەوامی فەرمی لە کاتژمێر (2:00)ی دوای نیوەرۆ تاکو (6:00)ی ئێوارەیە”.
پاسپۆرتی هەولێر داواش لە هاووڵاتیان دەکات کە هەفتەی داهاتوو تەنیا لە کاتی دیاریکراو سەردانی بەڕێوەبەرایەتییەکە بکەن بەمەبەستی راییکردنی مامەڵەکانیان.