ڕوونکردنەوەیەک لە نووسینگەی سەرۆکی حکومەتی هەرێمی کوردستان
نووسینگه‌ی سه‌رۆكی حكومه‌تی هه‌رێمی كوردستان روونكردنه‌وه‌یه‌كی بڵاوكرده‌وه، تێیدا ئاماژه بۆ بابه‌تی ژه‌هرخواردكردنی ژماره‌یه‌ك سه‌ركرده‌ی یه‌كێتی و چاوپێكه‌وتنی كه‌سێك به‌ناوی عه‌تا سه‌راوی كه به شێوازێكی ئاست نزم كۆمه‌ڵێك تۆمه‌تی بێ بنه‌مای ئاڕاسته‌ی سه‌رۆكی حكومه‌تی هه‌رێمی كوردستان كردووه.
ئه‌مه ده‌قه‌كه‌یه‌تی:
کەسێک بەناوی عەتا سەراوی کە ئەندامی سەرکردایەتی یەکێتییە، لە چاوپێکەوتنێکدا بە شێوازێکی ناڕێک و ئاست نزم، کۆمەڵێک تۆمەتی بێ بنەما و قسەی هەڵبەستراوی ئاراستەی جەنابی سەرۆکی حکومەتی هەرێمی کوردستان کردووە، هەرچەند ئەو کابرایە، خۆی ماوەیەک لە مەوبەر بە ئاشکرا ڕایگەیاند، کە لە لایەن هاوسەرۆکێکی پێشووی یەکێتی، هەڕەشەی تیرۆرکردنی لێکراوە، کەچی دەیەوێت بەو تۆمەتانە، بابەتی ژەهردەرخوارددانی سەرکردەکانی حیزبەکەی، لە بیر خەڵک بباتەوە، بۆیە لە بەرامبەر تۆمەتە بێ بنەماکانی، ڕێکاری یاسایی دەگرینەبەر و دەبێ لە بەردەم دادگادا، باجی قسە هەڵبەستراوەکانی بدات.
نووسینگەی سەرۆکی حکومەتی هەرێمی کوردستان
3 ی نۆڤێمبەری 2021