به‌هۆی رووداوێكی هاتووچۆ له سنووری ناحیه‌ی خه‌له‌كانی سه‌ر به قه‌زای دووكان پێنج كه‌س گیانیان له‌ده‌ستدا و دوو كه‌سی دیكه‌ش برینداربوون.
ئه‌مڕۆ پێنجشه‌ممه 22ـی ئه‌یلوولی 2022، نزیكه‌ی كاتژمێر 10:30 خووله‌ك رووداوێكی سه‌ختی هاتووچۆ له‌نێوان پیکابێکی تۆیۆتا و ئۆتۆمبێلێکی بارهەڵگر له سنووری ناحیه‌ی خه‌له‌كانی سه‌ر به قه‌زای دووكان روویدا.
به‌ڕێوه‌به‌رایه‌تی نه‌خۆشخانه‌ی شه‌هید سه‌باح خه‌له‌كانی به سەرچاوەیەکی راگەیاند، به‌هۆی رووداوه‌كه‌وه پێنج كه‌س گیانیان له‌ده‌ستداوه و دوو كه‌سی دیكه‌ش برینداربوونه و باری ته‌ندروستییان ناجێگیره.
روونیشیكرده‌وه، چوار له‌و هاووڵاتییانه‌ی گیانیان له‌ده‌ستداوه خه‌ڵكی شاری مه‌ریوانی رۆژهه‌ڵاتی كوردستانن و ئه‌ندامانی یه‌ك خێزانن، هاووڵاتی دیكه‌ش خه‌ڵكی شــاری سلێمانییه.