به‌ڕێوه‌به‌رایه‌تی پۆلیسی پارێزگاری سلێمانی ده‌ستگیركردنی ئه‌و تاوانباره‌ی ڕاگه‌یاند كه شه‌وی ڕابردوو به ماتۆڕسكیل ته‌قه‌ی له هاووڵاتییه‌ك كردبوو.
پۆلیسی سلێمانی ڕایگه‌یاند: شه‌وی ڕابردوو له گه‌ڕه‌كی به‌ختیاری شاری سلێمانی، تۆمه‌تبارێك كه ماتۆڕسكیلێكی پێ بوو، ته‌قه‌ی له هاووڵاتییه‌ك كرد و هه‌ڵات.
ڕاشیگه‌یاند: ده‌ستبه‌جێ هێزه‌كانی پۆلیس گه‌یشتنه شوێنی ڕووداوه‌كه و لێكۆڵینه‌وه بۆ دۆزینه‌وه و ده‌ستگیركردنی تۆمه‌تبار ده‌ست پێ كرد.
ئاماژه‌ی به‌وه‌ش دا: سه‌ره‌نجام و دوای وه‌رگرتنی بڕیاری دادوه‌ر، توانرا ھەمان شەو تۆمه‌تبار بدۆزرێته‌وه و له‌لایه‌ن مه‌فره‌زه‌كانی بنكه‌ی پۆلیسی به‌ختیارییه‌وه ده‌ستگیر بكرێت، هه‌روه‌ها ده‌ستیش بگیرێت به‌سه‌ر ماتۆڕسكیلی تۆمه‌تباره‌كه و ئه‌و چه‌كه‌ی تۆمه‌تبار ته‌قه‌ی پێ كردبوو.
جه‌ختیشی كرده‌وه كه ئێستا تۆمه‌تبار (ف، ش، ك) له دایكبووی 2001 به بڕیاری دادوه‌ر ڕاگیراوه و لێكۆڵینه‌وه‌كان به‌رده‌وامه.