ئەكتەری ناوداری عەرەب، میلاد یوسف گەیشتە هەولێر
میلاد یوسف، ئەكتەری ناوداری سووریا گەیشتە شاری هەولێر، بە مەبەستی بەشداریكردن لە درامایەكی تەلەفزیۆنی؛ لەم بارەیەوە میلاد یوسف، لە لێدوانێكی رۆژنامەوانیدا بۆ كەناڵە عەرەبیزمانەکەی (rt online) دەڵێت: “لێرەداین لە شاری هەولێر، بە مەبەستی بەشداریكردن لە درامایەكی تەلەفیزیۆنیدا بە ناوی (لیلة سقوط) كە ناوەرۆكەكەی باس لەو وەختانە دەكات كە رێكخراوی داعش شاری موسڵی داگیر كرد”.
میلاد دەڵێت: “دراماكە كارێكی زۆر گەورەیە و ژمارەیەكی زۆر لە هونەرمەندە بەناوبانگە عێراقی و میسری و سورییەكان بەشدارییان تێدا كردووە.”
سەبارەت بە رۆڵی خۆیشی لە دراماكەدا هونەرمەند رایگەیاند: “من لەو درامایەدا رۆڵی كوڕێك دەگێڕم بە ناوی (سەمیر) كە پێش هاتنی داعش هیوا و ئارەزووی زۆری هەیە، بەڵام لەگەڵ داگیركرانی شاری مووسڵ ئەو خەونانەی لەناو دەچن”.