پەیامی پیرۆزبایی مەکتەبی سیاسی پارتی دیموکراتی کوردستان بەبۆنەی هاتنی ساڵی نوێی كۆچی 

مەكتەبی سیاسی پارتی دیموكراتی كوردستان بەبۆنەی سەری ساڵی نوێی كۆچی جەخت لە سەر پتەوكردنی گیانی ئاشتەوایی و لێبوردەیی و بەرقەراربوونی سەقامگیری و هاوئاهەنگی كۆمەڵایەتی و سیاسی و دوورخستنەوەی خولیا و بیری شەڕانگێزی و توندوتیژی لە هەرێمی كوردستان دەكاتەوە .
دەقی پەیامەكە ..
پەیامی پیرۆزبایی مەكتەبی سیاسی پارتی دیموكراتی كوردستان بەبۆنەی (یەكی موحەرەم) سەری ساڵی نوێی كۆچی

بەبۆنەی (یەكی موحەرەم) سەری ساڵی نوێی كۆچی، گەرمترین پیرۆزبایی  لەسەرجەم مسوڵمانانی كوردستان و عێراق و جیهان دەكەین و، هیوادارین ئەو بۆنە پیرۆزە ببێتە هەوێنی خێر و خۆشی و ئاسوودەیی بۆ تەواوی كۆمەڵگاكەمان بە هەموو پێكهاتەكانیەوە و مایەی كۆتایی هاتنی كێشە و دەردەسەرییەكان بێت.
لەو دەرفەتەدا دووبارە جەخت دەكەینەوە سەر پتەوكردنی گیانی ئاشتەوایی و لێبوردەیی و بەرقەراربوونی سەقامگیری و هاوئاهەنگی كۆمەڵایەتی و سیاسی و دوورخستنەوەی خولیا و بیری شەڕانگێزی و توندوتیژی لە هەرێمی كوردستان.

جارێكی دیكە سەری ساڵی نوێی كۆچی لەسەرجەم مسوڵمانان پیرۆزبێت…

مەكتەبی سیاسی
پارتی دیموكراتی كوردستان
1ـی موحەرەمی1444ـی كۆچی
30ـی7ـی2022زایینی