بە داخەوە هەواڵی کۆچی دواييی سیاسه‌تمه‌دار و تێکۆشەری دێرین و ناسراوی سەر ئاستی کوردستان و عیراق، سکرتێری پێشووتری حزبی شیووعيی عیراق و کوردستان، مامۆستا کەریم ئەحمەدم پێگەیشت.
خوالێخۆشبوو کەسایەتییەکی دیار و كۆڵنه‌ده‌رى مەیدانی خەباتی نیشتمانی بوو کە هەموو تەمەنی خۆی لە تێکۆشانی سیاسی و لەپێناو گەل و بیروباوەڕەکەیدا بەسەر برد، لەو ڕێگایەشدا ئازار و زیندانی و مەینەتیی زۆری چەشت.
پرسە و سەرەخۆشيی قووڵم ئاراسته‌ى بنەماڵە و کەسوکار و هاوڕێیان و دۆستانی ده‌كه‌م و هاوبه‌شى خەمیانم. لە خوای مەزن داواکارم گیانی بخاتە بەر بەزەیی و میهرەبانیی خۆی و دڵنه‌وايى و ئارامی بە هەمووان ببەخشێت
نێچیرڤان بارزانی
سەرۆکی هەرێمی کوردستان
2022/7/14