له ماڵێكدا ده‌ست به‌سه‌ر ژماره‌یه‌ك چه‌ك و ته‌قه‌مه‌نیدا گیرا
بەڕێوەبەرایەتی پۆلیسی پارێزگای سلێمانی ئه‌مڕۆ سێشه‌م ڕایگه‌یاند كه مه‌فره‌زه‌كانی بنکەی کوردسات لە ماڵێکدا لە شاری سلێمانی دەستیان گرت بەسەرچەندان پارچە چەک.
به‌ڕێوه‌به‌رایه‌تییه‌كه ڕایگه‌یاند: لە دوای ئەوەی ڕووداوێکی تەقەکردن لە سنووری بنکەی پۆلیسی کوردسات ڕوویدا و هاووڵاتییەک سکاڵای تۆمار کرد، مەفرەزەکانی بنکەكه لێکۆڵینەوەکانی دەست پێ کرد و دادوەر فەرمانی دا بە پشکنینی ماڵێک لە سنوورەکە.
ڕاشیگه‌یاند: له ئه‌نجامی پشكنینه‌كه‌دا تونرا لە ناو ماڵێکدا دەستبگیرێت بەسەر چەند پارچە چەکێك لەوانە:-
1 کڵاشینکۆف
2 تاپڕ
1 ڕومانە
360 فیشەکی کڵاشینکۆف
30 فیشەکی دەمانچە
24 فیشەکی تاپڕ
21 مەخزەنی کڵاشینکۆف
1 مەخزەنی حەفتاوپێنجی
2 شانەی دەمانچە
1 تاقم مەخزەن
1 قەمە
بەڕێوەبەرایەتی پۆلیسی پارێزگای سلێمانی ئاماژه‌ی به‌وه‌ش دا كه ئێستا تەواوی چەکەکان لەلایەن پۆلیسەوە دەستی بەسەردا گیراوە و لێکۆڵینەوەش بەردەوامە