چەند مووشەکێک لە قەزای خەبات کەوتنە خوارەوە
بە گوێرەی زانیارییەکانی پەیجی دژەتیرۆری کوردستان، کەمێک پێش ئێستا، شەش مووشەک لە نزیک زێی بادینان لە سنووری قەزای خەبات کەوتنە خوارەوە و هیچ زیانێکی گیانی و ماددی لێ نەکەوتووەتەوە.
بە گوێرەی زانیارییەکان، مووشەکەکان لە سنووری ناحیەی بەرتلەی سەر بە قەزای حەمدانییەی پارێزگای نەینەوا ئاراستە کراون.
لای خۆیەوە کوێستان ئەحمەد، قایمقامی قەزای خەبات لە لێدوانێکیدا رایگەیاند: “کەمێک پێش ئێستا دەنگی چەند تەقینەوەیەک لە دەوروبەری قەزای خەبات بیستراوە و بەپێی زانیارییەکان چەند مووشەکێکی کاتیۆشان و لە شوێنی نادیارەوە هاویشتراون”.