عەڕابەكانی تەسلیم بوونەوە بەبەغدا
مەشخەڵ كەوڵۆسی
سەرەتا بۆ ئەوەی كەس موزایەدە نەكات بەمافی خەڵكەوە، دەڵێم: ئێمەش لەكوردستانین، ھەموو كەموكووڕییەكانیش دەبینین، دەزانین گەندەڵی و مۆخ و ئێسكی كۆمەڵگەو پرۆسەی حوكمڕانی كوردستانی ھاڕیوە، ئەگەر وانیە، كەواتە بۆچی حكومەتیاسای چاكسازی دەركردووەو دەیەوێت جێبەجێیبكات؟.
بەڵام بۆ ھەر كەسێكی ژیر و خەمخۆری ئایندەی ئەم نەتەوەیە،پێویستە نەخۆشینی گەندەڵی لەسیاق و چوارچێوەی خۆی دابنرێت و مامەڵەی لەگەڵدا بكرێت و بەگوێرەییاسا و كۆمەڵێكڕێوشوێنی پەروەردەیی و كەلتوری ھەوڵی بنەبڕكردنی بدرێت. چونكە ئەو دیاردەیە، بەرلەھەر شتێك زادەیكەلتوری كۆمەڵگەیە و ھیچ بیرمەند و كۆمەڵناس و یاساناسێك ناتوانێ نكولی لەوڕاستییە بكات كە گەندەڵی دیاردەیەكی كۆمەڵایەتیی ئەم لەحزەیەی كۆمەڵگەیە و، بەشداری تاكەكان تیایداڕێژەییە و، ئێمە ناتوانین بڕوانامەی پاكێتی بدەینە ھیچ كەسێك، وەك ھەندێ حیزب دەیكەن و لەپرۆسەیەكی سەرسامكەری عەوام فریوداندا، شەھادەی قەبە دەدەنە كۆمەڵە كەسانێك گوایە ئەمانە گۆچانی سیحرین بۆ چارەسەری دیاردەیەك كەڕەگ وڕیشەی زۆر قووڵتر و گەورەتر و فراوانترە لە توانای حیزب و دەزگاكانی حكومەتیش! بگرە ھەر تاكێك بۆخۆی كارگەیەكی بچوكی گەندەڵییە. ئیتر بەڕێژەی جیاجیا. بەڵام دواجار ھەر دەبێت لەناو كۆمەڵگەی كوردیدا، بەگوێرەییاسا و پەروەردە و گۆڕانكاری كەلتوری، ئەو دیاردە سامناكە بنەبڕ نا، بەڵكو كەم بكرێتەوە، چونكە لەپێشكەوتووترین وڵاتانی دنیاشدا، نەتوانراوە ئەو دیاردەیە بنەبڕ بكرێت بەشێوەیڕەھا.
ھەندێك لەو سیاسی و نوسەر و پەرلەمانتێر و حیزبە سیاسییانەی كە لەماوەكانیڕابردوودا توخنی ئەم پرسە كەوتوون، بەداخەوە لەبری چارەسەرێك كەلە بەرژەوەندی نەتەوەی كورد و ئەم قۆناغە و خۆبەڕێوەبەردنی كوردو حوكمڕانی نەتەوەكەماندا بێت، بابەتەكەیان كردووە بە ھۆكارێك بۆ شكاندنی ھەموو سنورەكانی ئەمنی نەتەوەیی كورد و، بەھۆو بەبێ ھۆ داوای خۆ تەسلیمكردنەوە بەبەغدا لەكورد دەكەن. لەبەرانبەریشدا، ئازارەكانی خەڵك بەكاردەھێنن بۆڕەوایەتیدان بەم داوایەیانو وشیاری لاوازی خەڵك بەكاردەھێنن بۆ كۆكردنەوەی زۆرترین دەنگ لەدەوری ئەم پرۆژە ھەرە مەترسیدارە. ئەوان لەدوای بڕینی موچەی خەڵكی كوردستان لەلایەن ئێراقەوە، ئیتر
دەرفەتی زێڕینیان دەستكەوت بۆ ئەوەی بێ پەردەتر،ڕووی خۆیان ئاشكرا بكەن و، ئیستیغلالی دۆخی داڕوخاوی ژیانی خەڵك بكەن بۆ جێبەجێكردنی ئەجێندای خۆیان.
تەسلیمبوونەوەو تەسلیم كردن، یان وەك خۆیان دەڵێن ” رادەستكردن” بەبەغدا، ئەو ئاوازەیە كە ھەر تاوناتاوێك، لەھەر بۆنەیەكدا، بەرگوێمانی دەدەن و فشارێكی قورس لەسەر دەرونی تاك و كۆمەڵگە دروست دەكەن. لەوەدا چەندین حیزب و پەرلەمانتار و نوسەر و سیاسی و دەزگای میدیایی و پەیچ و سایت بەشدارن و لەیەك ئاواز دەخوێنن.
لەبنەڕەتدا ئەو داوایە بۆ چارەسەری ھیچ دەردێكی كۆمەڵگەو
حوكمڕانی كوردستان نیە، بەڵكو بۆ وەرگرتنەوەی سیادەیە لەكورد. بۆ شكاندنیڕواڵەتەكانی شكۆی نەتەوەی كوردە. ئەگینا لەناو كام لەمیڵەتانی تردا، لەناو كام ئەزمونی بنەبڕكردنی گەندەڵیدا، بەدرێژایی مێژوو، ئەوە كراوەتە چارەسەر كە میڵەتێكی خاك داگیركراوی ئەتككراوی مێژوو، چارەسەری دەردێكی خۆی لەوە دا ببینێتەوە كە خۆی ڕادەستی میڵەتی سەردەستە بكات و، بۆ ھەتاھەتایە ببێتەوە بەژێردەستە!.
لەكاتێكدا ھەمووان بێدەنگن لەم ئەجێندا مەترسیدارەی عەڕابەكانی
تەسلیم بوونەوە بەبەغدا، پێشنیار دەكەم: یەك: لەڕووییاساییەوە پەرلەمان بە ئەركی خۆی ھەستێت و ئەوجۆرە بانگەشانە وەك تاوان بەرانبەر ئاسایشی نەتەوەی كورد بناسێنێت.
دوو: دەزگایەكی تایبەتی بۆ ئەرشیفكردنی ناو و لێدوانەكانی عەڕابەكانی تەسلیمبوونەوە بەبەغدا ھەبێت، بۆ مێژووی كورد و بۆ نەوەكانی داھاتوو تۆمار بكەین كە كێ بوون ئەوانەی بەشداربوون لە ھاندانی كورد بۆ تەسلیم بوونەوە بەبەغدا. تاكو سبەینێ خۆیان نەكەن بۆ پاڵەوانی مێژوو.