ئاماری نوێی کۆڕۆنا لە هەرێم

وەزارەتی تەندروستیی حکوومەتی ھەرێمی کوردستان لە ڕاگەیاندراوێکدا ئاماژە بەوە دەدات کە لە ھەرێمی کوردستان 41 تووشبووی دیکەی پەتای کۆرۆنا دەستنیشان کران.

ئەمڕۆ شەممە 19/3/2022، وەزارەتی تەندروستی ڕاگەیاندراوێکی لە پەیجی فەرمیی خۆی، لە تۆڕی کۆمەڵایەتیی (فەیسبووک)دا بڵاو کردەوە، لە ڕاگەیاندراوەکەدا ئاماری 24 کاتژمێری ڕابردووی کۆرۆنا لە ھەرێمی کوردستان خراوەتە ڕوو و باس لەوە کراوە، لە ھەرێمی کوردستان 41 تووشبووی دیکەی کۆرۆنا دەستنیشان کراون، سێ کەسی دیکەش بەھۆی پەتاکەوە گیانیان لەدەست دا، 98 کەسیش چاک بوونەتەوە.