سەرۆكی حكوومەتی هەرێمی كورستان پەیامێكی هاوخەمی بەهۆی رووداوی گیانلەدەستدانی دوو سەربازی ئەمریكی و بەریتانی بڵاوكردەوە كە لە كاتی مەشق و راهێناندا لە هەولێر گیانیان لەدەست دا.
مەسرور بارزانی سەرۆكی حكوومەتی هەرێمی كوردستان لە تۆڕی كۆمەڵایەتی (ئێكس) رایگەیاند “خەمبارم بە گیانلەدەستدانی دوو سەربازی ئەمریکا و بەریتانیا لە کاتی ڕاهێنان لە هەولێر”.
سەرۆكی حكوومەت راشیگەیاند “سەرەخۆشی و هاوخەمیی قووڵی خۆم ئاراستەی خێزان و هاوکارەکانیان لە هەردوو وڵاتەکە دەکەم”.
مەسرور بارزانی هەروەها رایگەیاند “ئێمە شانازی بە هاوبەشی و هاوپەیمانێتیی ئەمریکا و بەریتانیا دەکەین و پێکەوە کار دەکەین بۆ پاڵپشتیکردنی سەقامگیری و ئاسایشی هەرێمی کوردستان، عێراق و ناوچەکە بە گشتی”.