سەرۆك بارزانی بە بۆنەی هاتنەوەی جەژنا سەرێ ساڵا ئاینێ ئێزیدیا، گەرمترین پیرۆزبایی ئاراستەی سەرجەم خوشك و برایانی ئێزیدی كرد.
سەرۆك بارزانی لە پەیامەكەدا رایگەیاندووە “خوشك و برایێن ئێزیدی بەشەکێ رەسەنێ گەلێ كوردستانێ نە و ب هەمی شیانان پشتەڤانیا داخوازیێن وان دكەم”
سەرۆك بارزانی لە كۆتایی پەیامەكەدا رایگەیاندووە “هیڤیدارم هەمی جەژن و هەلکەفتێن هەوە ب شادی و ئارامی دەرباز ببن و بمینن د خێر و خۆشیاندا”.
دەقی پەیامی سەرۆك بارزانی بە بۆنەی جەژنا سەرێ ساڵا ئاینێ ئێزیدیا:-
ب ناڤێ خودێ یێ مەزن و دلوڤان
ب هەلکەفتا هاتنا جەژنا سەرێ سالا ئۆلا ئێزیدیان، گەرمترین پیرۆزباهیێن خۆ ئاراستەی هەمی خوشك و برایێن ئێزیدی ل كوردستانێ و جیهانێ دكەم و هیڤیا بەختەوەری و کەیفخۆشیێ بۆ وان دخوازم.
خوشك و برایێن ئێزیدی بەشەکێ رەسەنێ گەلێ كوردستانێ نە و دڤێ هەلکەفتێ دا جەختێ دکەم کو دگەل ئێش و ئازارێن وان داینە و ب هەمی شیانان پشتەڤانیا داخوازیێن خوشک و برایێن ئێزیدی دكەم.
هیڤیدارم هەمی جەژن و هەلکەفتێن هەوە ب شادی و ئارامی دەرباز ببن و بمینن د خێر و خۆشیاندا.
مسعود بارزانی