دوای ئەوەی یەکێتیی نووسەرانی کورد لە 55ـەمین ساڵیادی دامەزراندنیدا، مەڵبەندی گشتی یەکێتیی نووسەرانی کورد، ژمارە (1)ـی خولی نوێی گۆڤاری (نووسەری کورد)ی چاپ و بڵاو کردەوە.
ئێستاش ژمارە (2)ـی خولی نوێی مانگی تەمووزی 2025 گۆڤاری (نووسەری کورد) بە ناوەرۆکێکی بەپێز و لە بەرگێکی قەشەنگدا، چاوی گەشی خوێنەران و ڕۆشنبیران و نووسەرانی کوردی ڕۆشن کردەوە و کتێبخانەی کوردیمانی ڕازاندەوە، بۆیە لێرەوە جارێکی تر، سەرنووسەر و دەستەی نووسەرانی گۆڤارەکە، داوا لە نووسەران و ڕۆشنبیران و قەڵەم خاوێن و بەبڕشتەکان دەکەن، بە ناردنی بەرهەمە ئەدەبیەکانیان گۆڤارەکەیان دەوڵەمەندتر بکەن و لە ڕێگای ئەو ئیمێڵەوە بابەتەکانیان بنێرن:
nusarikurd@gmail.com
گۆڤاری (نووسەری کورد)، گۆڤارێکی ئەدەبی و ڕووناکبیرییە؛ مەڵبەندی گشتی یەکێتیی نووسەرانی کورد دەریدەکات، کە (یەکێتیی نووسەرانی کورد) خاوەن ئیمتیازیەتی و سەرنووسەرەکەشی (پ.د. هیمداد حسێن) و جێگری سەرنووسەر (ئازاد عەبدولواحید)ە.
شایانی باسە ئەو گۆڤارە بە بەرهەمی هەمەجۆری ئەدەبی و ڕۆشنبیری و هونەری و ڕەخنە و لێکۆڵینەوەی ئەدەبی و دیدار و بابەتی ڕووناکبیری ڕازاوەتەوە .
بابەتەکانی ئەو ژمارەیە بریتین لە :
ـ سەروتار
ـ ڕەخنە و لێکۆڵینەوە
ـ وتاری ئەدەبی
ـ دەقی شیعر
ـ چیرۆک
ـ خوێندنەوەی کتێب
ـ چاوپێکەوتن و دیداری ئەدەبی
حەمە ئەحمەد جاف