ناوەندە تایبەتمەندەکانی چاودێریکردنی بوومەلەرزە ڕایانگەیاندووە، بوومەلەرزەیەک بە گوڕی 6 پلەی ڕێختەر، ناوەڕاستی ئەسیوپیا هەژاندووە.
ڕووپێوی جیۆلۆجی ئەمەریکا ڕایگەیاند، بوومەلەرزەکە لە نزیک ناوچەی میتاهار لە ئۆرۆمیا کاتژمێر 11:28 خولەکی درەنگانی شەو ڕووی داوە، کە گەورەترین و پڕ دانیشتووترین ناوچەی ئەسیوپیایە و ژمارەی دانیشتووانی نزیکەی نیو ملیۆن کەسە.
ناوەندیی بوومەلەرزەزانیی ئەورووپا و دەریای ناوەڕاست ڕایگەیاند، بوومەلەرزەکە لە قووڵایی 10 کیلۆمەتر ژێر زەوی ڕووی داوە.
تا ئێستا هیچ زیانێکی گیانی و ماڵیی بوومەلەرزەکە ڕانەگەیەندراوە.