ئاژانسی هەواڵی فەرمی ئێران “ئیرنا”، بڵاوی کردەوە، لە پاڵاوگەی نەوتی بەندەر عەباس لە باشووری ئێران تەقینەوەیەک روویدا و بەهۆیەوە چەند کەسێک گیانیان لە دەستدا.
ئاژانسی ئیرنا، بڵاوی کردەوە، ئەمڕۆ پێنجشەممە، 7ـی ئاداری 2024، بەهۆی تەقینەوەیەک لە پاڵاوگەیەکی نەوتی بەندەر عەباس چەند کەسێک گیانیان لەدەستداوە، هاوکات تا ئێستا بەرپرسان هیچ لێدوانێکیان لەسەر ئەو بابەتە نەداوە.
سەرچاوەیەک بەهەمان سەرچاوەی راگەیاند، تەقینەوەکە دوای ئەوە بووە کە یەکێک لە کورەکانی پاڵاوتنی نەوت لە بەندەر عەباس ئاگری گرتووە.
لەلایەکی دیکەوە کۆمپانیای پاڵاوتنی نەوتی ئافتاب رایگەیاندووە، رووداوی تەقینەوەکە ئاسایی بووە و هیچ کەسێک گیانی لەدەست نەداوە.