بەهۆی بوومەلەرزەوە نزیکەی 15 هەزار خانوو لە هەرێمی گانسۆی چین ڕووخاون و بەهۆیەوە دەیان هەزار کەس ئاوارەبوون و ئێستا لە ژێر خێوەتەکاندا ژیان بەسەر دەبەن.
شەوی دووشەممەی رابردوو، 18-12-2023، بوومەلەرزەیەک بە گوڕی 6.2 پلەی رێختەر باکووری رۆژئاوای چینی هەژاند و بووە هۆی گیانلەدەستدانی 131 کەس و زیاتر لە 900 کەسیش برینداربوون.
بەرپرسانی چین رایانگەیاند، نزیکەی 15 هەزار خانوو لە هەرێمی گانسۆ ڕووخاون و زیاتر لە 87 هەزار کەس لەژێر خێوەتەکاندا دەژین.
ئاوارەکان لە کەشێکی سارد و باراناویدا لە ژێر خێوەتەکاندان و داوای خۆراک و ئامێری گەرمکەرەوە دەکەن.