بوومەلەرزەیەکی بەهێز مەغریبی هەژاند و بەپێی ئامارەکان نزیکەی 300 کەس گیانیان لەدەستداوە.
وەزارەتی ناوخۆی مەغریب بڵاویکردەوە، بەرەبەیانی ئەمڕۆ بوومەلەرزەیەکی بەهێز ناوەندی شاری مەراکیشی گەیشتیاری، شارەکانی ئەزیلاوە، شیشواوا و تاوردانیتی باکووری رۆژئاوای مەغریبی هەژاند، بەهۆیەوە 296 کەس گیانیان لەدەستدا و 160 کەسیش برینداربوون.
لەوبارەیەوە، سەنتەری لێکۆڵینەوە و زانستی بوومەلەرزەی مەغریبی بڵاویکردەوە، هێزی بوومەلەرزەکە 6.8 پلەی رێکختەر بووە، لە ئەنجامدا نزیکەی 300 کەس گیانیان لەدەستداوە و زیاتر لە 150 کەسی دیکەش برینداربوون، دەیان باڵەخانەی شاری مەراکیش کە شارێکی مێژووییە وێرانبوون و زیانیان پێگەیشتووە.
تەلەفزیۆنی فەرمی مەغریبیش ئاماژەی بەوەکردووە، بومەلەرزەکەی بەرەبەیانی ئەمڕۆ بەهێزترین بووە لە مێژووی مەغریبدا.
حکومەتی مەغریب بۆ بەهاناوەچوونی لێقەوماوان دەیانی تیمی لە رباتی پایتەخت و شارەکانی دیکەی مەغریبەوە رەوانەی شاری مەراکیشی گەشتیاری کرد.