بەهۆی بارانبارینی بەخوڕی چەند رۆژی رابردوو، لە کۆریای باشوور، لانیکەم 33 کەس گیانیان لەدەستداوە و 10 کەسی دیکەش بێسەروشوێنن.
ئیدارەی کەشناسی کۆریای باشوور رایگەیاند، بەهۆی بارانبارینی بەخوڕی چەند رۆژی رابردوو، لانیکەم 33 کەس گیانیان لەدەستداوە و 10 کەسی دیکەش بێسەروشوێنن، هەروەها هۆشدارییشی بڵاوکردەوە کە پێشبینی دەکات تا چوارشەممەی داهاتوو بارانی زیاتر ببارێت.
سەرۆکوەزیرانی کۆریای باشوور هان دوک سو داوای لە وەزارەتی بەرگری کردووە پشتگیری لە ئۆپەراسیۆنەکانی رزگارکردن بکات.
هەروەها کارمەندانی فریاگوزاری بەردەوام بوون لە هەوڵەکانیان بۆ گەیشتن بەو کەسانەی کە لە تونێلێکی لافاوەکەدا گیریان خواردبوو.