ئاگر لە كارگەیەكی غازی عەنتاب كەوتەوە

هەوڵەكان بۆ كۆنترۆڵكردنی ئاگری كارگەیەكی بەرهەمهێنانی پێداویستی پزیشكیی لە پارێزگای غازی عەنتاب بەردەوامە.
بە هۆكارێكی نەزاندراو لە بەشی كۆگای كارگەیەكی دروستكردنی پێداویستی پزیشكیی لە پارێزگای غازی عەنتاب، ئاگركەوتەوە.
دەستبەجێ تیمەكانی ئاگركوژێنەوە گەیشتنە شوێنی رووداوەكە و هەوڵی كۆنترۆڵكردنی ئاگرەكەیان دا.
10 كارمەندی كارگەكەش كە بەهۆی دووكەڵی ئاگەكەوە تەنگەنەفەس بووبوون، گەیەندرانە نەخۆشخانە.
تیمەكانی ئاگركوژێنەوەش بەردەوامن لە هەوڵەكانیان بۆ كۆنترۆڵكردنی ئاگرەكە و رێگریكردن لە تەشەنەكردنی.