سەرپەرشتیاری مزگەوتەکانی مەککە و مەدینە، شا سەلمان بن عەبدولعەزیز، فەرمانی بە میوانداریکردنی هەزار و 300 حاجی لە زیاتر لە 90 وڵاتی کیشوەرە جیاوازەکانی جیهان دا، بۆ ئەنجامدانی فەریزەی حەجی ئەمساڵ، ئەمەش لە چوارچێوەی بەرنامەی میوانداریکردنی شا سەلمانە بۆ میوانداریکردنی حاجیان، کە لەلایەن وەزارەتی کاروباری ئیسلامی و بانگەواز و ئیرشادەوە جێبەجێ دەکرێت.
شێخ د.عەبدول لەتیف ئەلشێخ، وەزیری کاروباری ئیسلامی و بانگەواز و ئیرشاد، سەرپەرشتیاری گشتیی بەرنامەی میوانانی هەر دوو مزگەوتی پیرۆز گوتی: فەرمانەکەی شا سەلمان، ئەو پەیامە بەرجەستە دەکات کە سعوودیە لە خزمەتکردنی ئیسلام و موسڵماناندا هەڵیدەگرێت، ئەوەی پەیوەندییەکانی یەکێتی و برایەتی ئیسلامی لەنێوان گەلانی جیهانی ئیسلامیدا قووڵتر دەکاتەوە”، ئاماژەی بەوەشکرد، ئەم میوانداریە رێگە بە هەزاران موسڵمان دەدات لە کیشوەرە جیاوازەکانی جیهان بۆ ئەنجامدانی فەریزەی حەج بێنە سعوودیە، ئەمەش لە چوارچێوەی دەستپێشخەرییەکی ساڵانەیە کە سەرکردایەتی سعوودیە ئەنجامی دەدات.
ئەلشێخ دەشڵێت: وەزارەتەکە لە رێگەی ئەمینداریەتی گشتی بەرنامەکەوە، هەموو رێکارەکانی جێبەجێکردنی فەرمانی شاهانەی تەواو کردووە، بە هەماهەنگی لەگەڵ باڵیۆزخانەکانی مزگەوتی پیرۆز و هاوپەیمانە ئاینییەکانی سەر بە وەزارەت لە دەرەوەی وڵات، بۆ هەڵبژاردنی میوانەکان و دابینکردنی هەموو پێداویستییە پێویستەکان بۆ ئاسانکاری رێکارەکانی پێدانی ڤیزا، بەپێی سیستەمێکی خزمەتگوزاری بۆ ئەنجامدانی رێوڕەسمەکان.
بەرپرسەکە گوتیشی: ئەو بەرنامەیە ساڵانی پێشوتر نەبوو، ئەو بەرنامەیە خەونی هەزاران موسڵمانانی وڵاتە جیاوازەکان بەدی دەهێنێت کە پێشتر حەجیان نەکردووە.