سه‌رله‌به‌یانی ئه‌مڕۆ هه‌ینی ته‌قینه‌وه‌یه‌كی گه‌وره له شاری ئیسلام ئابادی پایته‌ختی پاكستان ڕووی دا و كوژراو و برینداری لێ كه‌وته‌وه.
میدیاكانی پاكستان بڵاویان كرده‌وه: سه‌رله‌به‌یانی ئه‌مڕۆ هه‌ینی له گه‌ڕه‌كێكی شاری ئیسلام ئاباد له ڕێگه‌ی ئۆتۆمبێلێكی بۆمبڕێژكراو ته‌قینه‌وه‌یه‌كی گه‌وره ڕووی دا، له ئه‌نجامی ته‌قینه‌وه‌كه‌ش پۆلیسێك گیانی له‌ده‌ست دا و 4ی تریش بریندار بوون.
ئاماژه‌یان به‌وه‌ش دا: ته‌قینه‌وه‌كه كاتێك ڕوویداوه كه پۆلیسی شاری ئیسلام ئاباد ئۆتۆمبێلێكیان وه‌ستاندووه به مه‌به‌ستی پشكنین، به‌ڵام شوفێری ئۆتۆمبێله‌كه به كۆنتڕۆڵ ئۆتۆمبێله‌كه‌ی ته‌قاندۆته‌وه.