حكوومه‌تی ڕووسیا ڕه‌تی كرده‌وه سه‌رۆكی وڵاته‌كه‌یان ڤلادیمێر پووتین له مۆسكۆی پایته‌خت هه‌وڵی تیرۆركردنی درابێت.
دیمیتری پیسكۆف سكرتێری ڕۆژنامه‌وانی سه‌رۆكی ڕووسیا ڕایگه‌یاند: ده‌نگۆ و هه‌واڵی هه‌وڵی تیرۆركردنی ڤلادیمێر پووتین ڕاست نییه.
پیسكۆف جه‌ختی كرده‌وه كه ئه‌وه‌ی ده‌گوترێ له ڕۆژی چوارشه‌می ڕابردوو له شاری مۆسكۆ هه‌وڵی تیرۆركردنی پووتین درابێت و به په‌رجوو ڕزگاری بووبێت، دووره ڕاستییه‌وه و هیچ بنه‌مایه‌كی نییه.
ئه‌مه له‌كاتێكدایه كه دوێنێ پێنجشه‌م پووتین سه‌رۆكی ڕووسیا سه‌ردانی سه‌مه‌رقه‌ندی كردبوو و له‌گه‌ڵ سه‌رۆكی هه‌ریه‌ك له وڵاتانی توركیا و ئێران و ئازه‌ربایجان و بیلارووسیا و چه‌ند سه‌رۆك و به‌رپرسێكی تریش كۆبووه‌وه.