سوپای رووسیا هەوڵەکانی بۆ داگیرکردنی کیێڤی پایتەختی ئۆکرانیا چڕ کردووەتەوە و شەڕ لەناو کۆڵانەکان دەستیپێکردووە.
سەرچاوەیەک بە کوردستان 24 رایگەیاند: “شەڕ لەناو کۆڵانەکانی کیێڤ دەستیپێکرد، لە زۆر ناوچەکانی پایتەخت دەنگی تەقە دەبیسترێت”.
گوتیشی: “لە رۆژئاوا تا رۆژهەڵاتی شاری کیێڤ، شەڕ و بۆردومان هەیە، لە هەندێک ناوچە شەڕی سەخت لە ئارادایە. بەگوێرەی وەزارەتی بەرگری ئۆکرانیا رێگەیان نەداوە هیچ ناوچەیەک بکەوێت ژێر کۆنتڕۆڵی سوپای رووسیا”.
ئاماژەی بەوەشدا: “بۆ پاڵپشتی ئۆکرانیا، هێزێکی زۆر لە پۆڵەنداوە بەڕێکەوتووە و چاوەڕێ دەکرێت دوای نیوەڕۆی ئەمڕۆ ئەو هێزە بگاتە کیێڤ”.
بەگوێرەی ئاماری شارەوانی کیێڤ، بەهۆی بۆردومانەکانی ئەمڕۆی رووسیا 35 هاووڵاتی سڤیل لە شارەکە کوژراون.