کارگەیەکی دروستکردنی پەنیر لە میسر بەهۆی بەکارهێنانی هەویری بۆیاخ لە دروستکردنی بەرهەمەکانیدا لە لەلایەن دەسەڵاتدارانی ئەو وڵاتەوە داخرا.
بە گوێرەی هەواڵێكی وێبسایتی “ئەل-عەرەبیە”، کارگەکە دوورە لە ناوچە شارنشینەکان و لە کاتی گەیشتنی دەزگا ئەمنییەکان کارمەندەکانی هەوڵی هەڵاتنیان داوە.
کاتێک پشکنین بۆ بەرهەم و کەرەستەکانی نێو کارگەکە ئەنجام درا، هەویری بۆیاخ و خوێی خراپبوو و بتڵی ماددە سپیەکانی هاوشێوەی تۆزی شیرەمەنیی دۆزراونەوە.
کرێکارەکانی کارگەکە ئاماژەیان بەوەدا کە لە دروستکردنی پەنیردا بۆیاخیان بەکارهێناوە و لە بازاڕەکاندا بە نرخی هەرزان فرۆشراون.
سەرۆکایەتی شاری تەلا ئاماژەی بەوەدا کە ٣٧ تەن لە پەنیر و کەرەستەکانی دەستی بەسەردا گیراوە و ئەو کەرەستانەی لە کارگەکەدا بەکارهاتوون شیاوی کارپێکردن نەبوون، هەروەها هیچ رێکارێکی تەندروستی لە کارگەکە نەگیراوەتە بەر و کەسانی بەپرس لە کارگەکە لێکۆڵینەوەیان لەگەڵ دەکرێت و دادگایی دەکرێن.